Yn 2023 a 2024 enillodd Undeb Aber wobr Cydnabyddiaeth UCM Cymru am ein gwaith ar yr ymgyrch hyn.
Wythnos SHAG – Ymwybyddiaeth a Chyngor ar Iechyd Rhywiol
Mae gennym 4 prif nod
- Bod myfyrwyr yn magu hyder rhywiol ac yn deall bod gwasanaethau iechyd rhywiol ar gael pryd bynnag bo angen neu eisiau.
- Bod myfyrwyr yn magu agwedd bositif tuag at ryw.
- Bydd myfyrwyr yn cael eu haddysgu ar sut i gael rhyw pleserus a diogel os ydyn nhw am gael rhyw, yn bennaf yn ymwneud â Heintiau a Drosglwyddir trwy Ryw a diogelwch cinciau.
- Bod yr ymgyrch yn gynhwysol i bobl Draws, Anneuaidd a LDHTC+.
Pam fod hyn yn bwysig?
Mae Iechyd a Llesiant Rhywiol yr un mor bwysig ag iechyd meddwl a chorfforol ond oherwydd stigmâu ynghylch cywilydd a rhyw, mae’n gallu bod yn anodd defnyddio cymorth a chefnogaeth pan fod ei angen arnoch. Pan siaradais i â myfyriwr am y tro diwethaf iddynt gael prawf HDR dyma nhw’n ateb, “O, Dydw’i erioed wedi cael un. Mae’n codi embaras braidd.” Dyma’r agwedd rydyn ni am ei newid gyda’r Ymgyrch SHAG. Rydym eisiau i fyfyrwyr allu siarad am ryw heb gywilydd, bod yn hyderus yn dweud nad ydynt byth eisiau cael rhyw a’u bod yn gallu estyn a gofyn am gymorth pan fo ei angen. Dyn ni am i fyfyrwyr weld rhyw fel rhywbeth positif a hwyl eu bod nhw’n gallu ei fwynhau. Mae blaenoriaethu ac edrych ar ôl iechyd rhywiol yn gallu cael cymaint o effeithiau positif ar eich iechyd corfforol a meddwl.
Beth mae Undeb y Myfyrwyr ei gynnig?
Wyddoch chi yn ôl yr ystadegau pobl o 16-24 oed sydd y tebycaf o drosglwyddo HDR? Dyn ni eisiau i chi fwynhau eich hunain, ond dyn ni hefyd am i chi fod yn saff. Felly, beth ydyn ni’n ei gynnig?
- Condomau a liwb am ddim i’w codi o dan y Grisiau ar bwys i’r Toiledau Niwtral o Ran Rhywedd.
- Gellir codi condomau heb latecs, rhai sydd â blasau gwahanol a profion beichiogrwydd oddi wrth ein Cynghorydd Myfyrwyr (undeb.cyngor@aber.ac.uk)
- I archebu citiau HDR am ddim a’i wneud o gysur eich cartre’, ewch i Cymru Chwareus
Brook
Dolenni Allanol:
Ni waeth eich hunaniaeth rhyweddol neu eich cyfeiriadedd rhywiol, dylai fod gan bawb mynediad i gyngor iechyd rhywiol am ddim, i chi gael addysg ar unrhyw fath o ryw rydych chi’n dewis. Un ai’r ffordd dych chi’n cael eich profi ar gyfer HDRau, dysgu sut i gael sgyrsiau agored am ryw, sut i fod yn saff ac yn barchus, neu ddeall eich corff; dyn ni wedi dod o hyd i ychydig o adnoddau eraill a allai fod o ddefnydd.
Os hoffech chi gymryd rhan neu ddysgu mwy, e-bostiwch
2022 Atgofion
Os hoffech chi gymryd rhan neu ddysgu mwy, e-bostiwch ...