Os mai gweithredoedd o wasanaethu yw eich iaith garu chi, efallai eich bod chi’n gwerthfawrogi’n fawr unrhyw weithredu i wneud eich bywyd yn haws gan eich partner, boed iddi fod mor syml â gwneud coffi i chi yn y bore. “Dyma iaith garu y rheini sy’n credu mai gwneud nad dweud sydd bwysicaf”

• Sut mae cyfathrebu: Dweud pethau fel “wna’ i helpu”, maent eisiau gwybod eich bod yn gefn iddynt.
• Camau i’w cymryd: Gwnewch weithredoedd gyda’ch gilydd. Mynd i ymdrech i wneud eu diwrnod yn haws.

Os mai anrhegion yw eich iaith garu, ystyrir y byddwch yn teimlo cariad pan fydd eraill yn rhoi ‘symbolau gweledol o gariad’, nid y gwerth ariannol sydd bwysicaf yn hytrach na’r symboliaeth a’r gwerth emosiynol. “Dyma iaith garu y rheini sy’n credu y gall pethau ymgorffori teimladau”.

• Sut mae cyfathrebu: Meddylgarwch sydd wrth wraidd, rhywbeth sy’n adlewyrchu eich amser gyda’ch gilydd neu’ch teimladau.
• Camau i’w cymryd: arwyddion ac anrhegion ystyrlon. Mawr yw ystyr y pethau bychain. Os mai chi sy’n cael anrheg, gwnewch yn siŵr eich bod yn dangos diolchgarwch.

Os mai cyffwrdd yw eich iaith garu, mae’n debyg eich bod yn teimlo cariad ar ei fwyaf drwy arwyddion corfforol o gariad, gall hyn gael effaith gadarnhaol a magu cysylltiad emosiynol cryf. “Dyma iaith garu y rheini sy’n gwerthfawrogi teimladau o gysur a chynhesrwydd”.

• Sut mae cyfathrebu: heb eiriau (ond gyda chaniatâd llafar), defnyddio iaith y corff a chyffyrddiad i ddangos cariad.
• Camau i’w cymryd: dangoswch gariad mewn ffordd gorfforol yn rheolaidd, cofiwch mai cyfathrebu a chaniatâd sydd bwysicaf.

Os mai treulio amser ystyrlon yw eich iaith garu, efallai y byddwch chi’n teimlo cariad pan fydd eich partner yn rhoi o’u hamser i chi. Gwrando’n astud, edrych i fyw llygaid a bod yn bresennol sydd bwysicaf. “Dyma iaith garu y rheini sy’n prisio cael eu clywed uchaf”.

• Sut mae cyfathrebu: Sgwrsio heb dorri ar draws eich gilydd. Mae amser preifat ac agos yn hollbwysig.
• Camau i’w cymryd: Gwnewch amser i’ch gilydd, gwnewch bethau sy’n gwneud y gorau o’r amser a dreulir gyda’ch gilydd.

Os mai geiriau o gadarnhad yw eich iaith garu, byddwch chi’n debyg o werthfawrogi cydnabyddiaeth llafar o gariad, canmoliaeth, geiriau o gadarnhad ac o anogaeth. “Dyma iaith garu y rheini y mae’r gair llafar ac ysgrifenedig yn taro tant fwyaf”.

• Sut mae cyfathrebu: Annog, cadarnhau, gwerthfawrogi a chydymdeimlo. Mae gwrando’n astud hefyd yn bwysig.
• Camau i’w cymryd: anfon nodyn, tecst, cerdyn annisgwyl. Sylwadau cadarnhaol ac anogaeth go iawn sydd bwysicaf.

Dyma achos lle mae rhywun yn dweud ei fod am ddefnyddio diogelwch (hy condom) ac yna yn peidio â’i ddefnyddio neu’n ei dynnu yng nghanol rhyw. Mae hyn y torri’r gyfraith ac yn cael ei ystyried yn ymosodiad rhywiol. Dyma dorri amodau’r caniatâd a wnaed rhwng y rheini sy’n cael rhyw.

Ystyr caniatâd amodol yw cydsynio i ryw ar sail gwisgo condom er enghraifft, a phan gaiff ei dynnu yn ôl, dyna dynnu’r cydsyniad yn ôl ar yr un pryd. 

I gael cymorth, cysylltwch ag Adrodd + Cymorth neu’r Swyddogion Cyswllt Trais Rhywiol yn y Gwasanaethau Myfyrwyr ac mae modd cysylltu â nhw yn uniongyrchol drwy svlo@aber.ac.uk

Atal Cenhedlu a Heintiau a Drosglwyddir

Drwy Ryw

Gellir defnyddio atal cenhedlu rhag mynd yn feichiog heb ei eisiau ac atal trosglwyddo heintiau a drosglwyddir drwy ryw. Mae’r bilsen atal cenhedlu yn ffordd gyffredin iawn o osgoi beichiogi pan yn cael rhyw a ddefnyddir gan bobl sydd ag wterws. Fodd bynnag, mae’n bwysig bod rhwystr arall yn cael ei ddefnyddio o achos hebddo ni fydd y bilsen yn eich atal rhag dal haint rhywiol.

Gall Heintiau a Drosglwyddir drwy Ryw fynd ar led drwy unrhyw fath o ryw. Mae’n bwysig i chi ddefnyddio rhwystr rhyngddoch chi a'ch partner/iaid ac i chi wneud prawf HDR rhwng pob partner newydd.

Mae modd i chi gael gafael ar brawf am ddim un ai trwy ein Clinig Iechyd Rhywiol lleol ar stryd Penglais neu drwy archebu un dros y we am ddim gan Iechyd Rhywiol Cymru. 

Mae teganau rhyw yn gallu cynnig ffordd i chi a’ch partner/iaid gael hwyl tra’n arbrofi. Boed ar eich pen eich hunain neu gydag eraill, mae’n bwysig eich bod chi’n golchi teganau rhyw rhwng eu defnyddio i atal unrhyw heintiau neu Heintiau a Drosglwyddir dry Ryw posib.

Mae Addysg Iechyd Rhywiol hefyd yn argymell defnyddio condomau neu ryw fath o rwystr i atal cenhedlu gyda theganau rhyw a ddefnyddir gydag eraill i chi ac iddynt fod yn saff.

Mae'n bwysig nodi yn ystod yr wythnos hon na fydd rhyw yn gysylltiedig â phob perthynas. Mae llawer mewn perthynas gariadus heb berthynas rywiol.

Gall hyn fod oherwydd eu bod yn uniaethu yn anrhywiol neu oherwydd nad ydynt am gael rhyw. Efallai nad ydyn nhw eisiau gwneud hynny ar hyn o bryd, neu nad ydyn nhw byth eisiau gwneud hynny. Mae’n bwysig cydnabod hyn pan fyddwn yn cyfarfod â phobl newydd neu’n siarad am ryw gyda’n ffrindiau.