Ymgeiswyr

Terri Chandler

Yn gyntaf oll, clust a chefn fyddaf i. Dwi’n ymfalchïo mewn helpu eraill a gwneud gwahaniaeth.

• Pa nodweddion personol fyddech chi'n eu cyfrannu at y rôl?

Mae gen i ymdeimlad cryf o gyfiawnder a chyfrifoldeb ac dwi’n gweld gwerth mewn tegwch a gonestrwydd. Dwi wedi dysgu pwysigrwydd dibynadwyedd, atebolrwydd, a chynrychiolaeth ar gyfer unrhyw gymuned a sefydliad, dyma pam dwi’n credu y byddwn i’n trin y swydd â gwyleidd-dra, cyfrifoldeb, ac ymrwymiad go iawn i helpu sefydliad i gyflawni ei nod a chael effaith er gwell.

Dwi’n rhoi sylw’n arbennig i bobl ac yn deall pwysigrwydd gwrando ar wahanol bersbectifau.

Dwi wedi ymrwymo i ddysgu’n barhaol.

Byddaf yn trin heriau newydd â chwilfrydedd, gofyn cwestiynau ystyriol, ac dwi’n fodlon ennill gwybodaeth newydd pan fo angen.

Dwi’n credu mai tystiolaeth, tryloywder a buddion y bobl a’r cymunedau dan sylw ddylai lywio penderfyniadau.

Dwi’n barod i godi fy llais yn ôl y galw tra’n cadw’n barchus a chydweithredol.

Dwi’n deall mai cyfle i wasanaethu yw bod yn ymddiriedolwr.

Ond yn fwy na dim, dwi wedi ymrwymo i newid bywydau er gwell.

• Beth yw’r 3 mater pennaf sy’n effeithio ar fyfyrwyr?  

1. Trais rhyweddol a rhywiol - gan gynnwys, er nid yn unig; aflonyddu rhywiol, ymosodiadau, a chamymddwyn. Trais, gwahanu, a llefaru casineb ar sail rhywedd. Perthnasoedd niweidiol a’r cam-drin sy’n digwydd mewn carwriaethau rhwng myfyrwyr. Stelcian a diwylliant treisio.

Pethau i’w gwella/gweithredu: Addysg, galw casineb at wragedd allan yn y gweithle, cefnogi grwpiau i ddioddefwyr, gweithredu pethau a fydd yn gwneud i bobl deimlo’n saff. Dim goddef unrhyw drais rhywiol nac ar sail rhywedd.

2. Anableddau - Pob un!!

Pethau i’w gwella/gweithredu: Materion yn ymwneud â llywio’r campws. Materion meddygol yn ymwneud â rhyw (gwybodaeth o glefydau cyffredin, misglwyfau, a nwyddau misglwyfol/hylendid). Cymorth i’r newydd anabl. Mynediad i adnoddau i bawb, helpu llywio anabledd, addysg ar bobl anabl - ar gyfer staff a myfyrwyr. Ymladd â stigma Bod yn glust a dylanwad arweiniol.

3. Iechyd meddwl - mae myfyrwyr yn wynebu heriau sylweddol wrth iddynt bontio i annibyniaeth, addysg uwch, a byd gwaith. Mae’r ymennydd yn mynd trwy camau mwyaf olaf ei ddatblygiad wrth i chi ddod yn oedolyn ifanc (hy rhwng 18 - 35) Yn ystod yr adeg hon, daw tueddiadau geneteg i sawl cyflwr iechyd meddwl difrifol i’r amlwg; dylem ddarparu cefnogaeth ar gyfer pobl a’u cyflyrau iechyd meddwl wrth iddynt ddatblygu. Bydd llawer o unigolion yn teimlo ar goll a/neu yn unig, fel nad ydyn nhw’n gallu estyn allan neu wybod beth i’w wneud gan fod cymaint o gyflyrau yn datblygu adeg oedran y myfyriwr cyffredin.

Pethau i’w gwella/gweithredu: Y Gwasanaethau Cymorth, sut i gefnogi ffrindiau, beth i’w wneud os yn poeni am les rywun yn eich llety neu ar eich cwrs. Sut i wneud y brifysgol yn amgylchedd gwell/hapusach. Cymryd pryderon ac awgrymiadau myfyrwyr o ddifri.

Tomos Akash Padel

Dwi eisiau gwneud Aber yn saffach, yn fwy cefnogol, ac yn fwy cysylltiedig. Dwi’n gwrando a pharhau i wrando i sicrhau mai myfyrwyr fydd wrth lyw Prifysgol Aber.

• Pa nodweddion personol fyddech chi'n eu cyfrannu at y rôl?

Cydweithredu - Dwi wirioneddol wrth fy modd yn gwrando ar bobl a dod â gwahanol leisiau at ei gilydd. Mae fy nghefndir mewn cynrychioli myfyrwyr a gwaith cymunedol yn golygu fy mod i’n gyfforddus yn gweithio ag eraill i gael hyd i atebion.

Agos-atoch - Un sy’n siarad â phawb ydw’i, ac dwi’n gwneud i bawb deimlo ei fod yn cael ei glywed. Mae myfyrwyr yn gwybod y gallan nhw ddod ataf â’u pryderon heb ofn beirniadaeth.

Dibynadwy - Pan fydd angen gwneud rhywbeth, dwi’n cario’r maen i’r wal. Boed yn gweithio ag elusennau, yr Undeb, neu rolau academaidd, dwi wedi dangos y gallaf ymgymryd â chyfrifoldebau a chyflawni’r nod yn gyson.

• Beth yw’r 3 mater pennaf sy’n effeithio ar fyfyrwyr?  

Diogelwch a llesiant - mae eisiau teimlo’n saff ar nosweithiau allan ac o gwmpas y dref ar fyfyrwyr. Parhau i fod yn destun pryder i lawer o fyfyrwyr mae sbeicio ac aflonyddu, nid yw hynny’n iawn. Dylai myfyrwyr gael mwynhau eu nosweithiau allan a digwyddiadau ar y campws yn hytrach na phoeni am y profiadau drwg. Dwi’n deall bod trefn ar waith i gefnogi myfyrwyr ond nid yw’n ddigonol, mae’n rhaid i ni barhau i’w cefnogi a’u gwella ymhellach, fel na fydd rhaid i un myfyriwr brofi hyn.

Ymgysylltu a chynrychiolaeth - nid yw llawer o fyfyrwyr yn teimlo’n gysylltiedig â’r cyrff gwneud penderfyniadau ee y Senedd neu Fwrdd yr Ymddiriedolwyr. Mae’n rhaid i ni sicrhau fod mwyfwy o fyfyrwyr ynghlwm â’r cyrff gwneud penderfyniadau hyn, fel y caiff y penderfyniadau eu gwneud gan fyfyrwyr yn hytrach na dros fyfyrwyr.

Fforddadwyedd - mae costau cynyddol bwyd, rhent, trafnidiaeth a hanfodion sylfaenol yn parhau i bwyso ar fyfyrwyr, yn enwedig ar y rhai sy’n cadw’r ddisgil yn wastad rhwng astudio a gweithio. Gall hyn fod yn brofiad heriol iawn, a all orlethu myfyrwyr a pheri iddynt berfformio’n waeth yn academaidd, sydd, yn ei dro, yn gwaethygu iechyd meddwl myfyrwyr. Felly, mae’n rhaid i ni helpu myfyrwyr a’u harwain i gael gwell gytbwysedd rhwng gwaith ac astudio yn y Brifysgol.

Elliw Mair

Mae gan bawb yr hawl i gael eu cynrychioli, credaf mai fi yw’r person gorau i wneud hynny.

• Pa nodweddion personol fyddech chi'n eu cyfrannu at y rôl?

Fy enw i yw Elliw, dwiyn y drydedd flwyddyn yn astudio’r Gyfraith a’r Gymraeg. Mae gennai sawl rôl yn y Brifysgol - Peer Guide y Gyfraith, Swyddog y Gymraeg UM, Ysgrifennydd UMCA a gweithio rhan-amser mewn cwmni cyfreithiol. Mae’r profiadau dwi wedi ei fagu o’r dyletswyddau hyn am fy ngalluogi i gyflawni’r disgwyliadau angenrheidiol i fod yn Ymddiriedolwr.

Fel Swyddog i’r Undeb, dwi wedi gweithio’n agos gyda myfyrwyr y Brifysgol. Mae hyn yn rhoi’r gallu a’r wybodaeth imi ddeall heriau a phryderon Israddedigion. Dwi hefyd yn eiriolwr cryf i fyfyrwyr gan fy mod wedi profi sialensiau personol ynglŷn â thai - mae hyn wedi cryfhau fy ngallu i wrando, ymchwilio a dangos fy ngallu i gynrychioli’n effeithiol.

Mae cyfrifoldeb, imi, yn golygu bod yn ddibynadwy ac adnabod yr effaith gall fy ngweithredoedd ei gael. Pan ymgymeraf â rôl, dwi’n ymrwymo i baratoi a rhoi’r amser a’r sylw llawn sydd ei hangen iddo.

• Beth yw’r 3 mater pennaf sy’n effeithio ar fyfyrwyr?  

Costau Byw a Fforddiadwyedd Addysg Uwch - Mae fforddiadwyedd addysg uwch yn parhau i fod yn un o’r heriau mwyaf sy’n gwynebu myfyrwyr. Mae costau byw cynyddol, ochr yn ochr â ffioedd dysgu a chostau sy'n gysylltiedig ag astudiaethau, yn rhoi pwysau ariannol sylweddol ar lawer o israddedigion a gall effeithio ar lwyddiant academaidd a lles myfyrwyr.

Yr Iaith Gymraeg - Dylai myfyrwyr sy’n cofrestru i astudio drwy’i mamiaith dderbyn union hynny. Mae’n anodd credu bod modiwlau ar hyn o bryd yn cael eu gwerthu i fyfyrwyr yn hollol gamarweiniol. Dylai’r modiwlau gael eu hysbysebu yn gywir i sicrhau ni fydd myfyrwyr yn cael eu gadael i lawr.

Iechyd Meddwl a Lles - Mi fyswn i’n wirion yn anwybyddu’r ffaith bod iechyd meddwl yn gallu cael effaith sylweddoli ar allu unigolyn. Credaf dylai pawb gael y gefnogaeth sydd ar gael os dymunant. Mae lles meddyliol yn allweddol i ganlyniadau addysgol.

Maggie Peirce 

Fel Cynorthwyydd Llety, dwi’n dod â’r gallu unigryw i bontio’r bwlch rhwng y Brifysgol (am fy mod yn staff) ac Undeb y Myfyrwyr.

• Pa nodweddion personol fyddech chi'n eu cyfrannu at y rôl?

Myfyrwraig ryngwladol Busnes ac Economeg BSC 3edd flwyddyn ydw’i ac dwi’n gweithio fel cynorthwyydd llety ers y flwyddyn ddiwethaf. Bues i’n rhan o Fwrdd Cynghori Myfyrwyr Rhyngwladol Undeb Aber 2025/2026 a helpais godi llais dros y myfyrwyr rhyngwladol yn byw mewn llety. Cyn fy amser yn Aber, treuliais flwyddyn yn gweithio ac yn cyflawni cyfnewidiadau gwaith ar draws Ewrop, rhyngweithio a gweithio â llawer o wahanol gymunedau.

• Beth yw’r 3 mater pennaf sy’n effeithio ar fyfyrwyr?  

Y brif flaenoriaeth gen i fel Swyddog Rhyngwladol fydd helpu cynyddu cyfathrebu clir a hygyrch rhwng myfyrwyr rhyngwladol a’r Brifysgol. Boed yn ymwneud â fisas, gweithio â sefyllfeydd ariannol rhyngwladol, neu gwblahu gwaith cwrs hyd yn oed a chyfathrebu yn Saesneg y Deyrnas Unedig, mae’n rhaid i fyfyrwyr rhyngwladol gael eu clywed.

Saksham Agarwal 

Shahd Kiswani 

Pleidleisiwch drostof i gysylltu diwylliannau, dathlu gwahaniaethau, a helpu pob myfyriwr rhyngwladol i deimlo fel llai o ymwelydd a mwy o berthyn.

• Pa nodweddion personol fyddech chi'n eu cyfrannu at y rôl?

Dof ag ymwybyddiaeth ddiwylliannol, y gallu i addasu, a galluoedd cyfathrebu cryf i rôl y Swyddog Myfyrwyr Rhyngwladol. A finnau yn un o Wlad yr Iorddonen a gafodd ei fagu yn Dubai, dwi wedi cael profiad o bobl o lawer o ddiwylliannau, safbwyntiau, a chefndiroedd ers yn fach. Fe wnaeth fy nhymor tramor yn Nhwrci gryfhau fy annibyniaeth, fy meddwl agored, a fy ngallu i ymaddasu i amgylchedd academaidd a chymdeithasol newydd. Dwi hefyd wedi cymryd rhan mewn ffeiriau rhyngwladol, gwyliau a gweithgareddau cynwysoldeb, a fagodd fy hyder wrth ymgysylltu â chymunedau amrywiol a helpu eraill i deimlo bod croeso iddynt a’u bod yn cael eu cynnwys. Dwi’n empathetig, agos-atoch, a threfnus, ac dwi’n deall yr heriau y gallai myfyrwyr rhyngwladol eu hwynebu wrth ymgynefino â gwlad newydd. Byddwn yn tynnu ar y nodweddion hyn at gynnig cyfarwyddyd cefnogol, annog cysylltiadau ystyrlon, a chyfrannu at gymuned Brifysgol gynhwysol a chroesawus.

• Beth yw’r 3 mater pennaf sy’n effeithio ar fyfyrwyr?  

Mae diffyg cynrychiolaeth ddigonol yn benodol ar gyfer myfyrwyr rhyngwladol a gall diffyg ymdeimlad o gymuned beri ymdeimlad o unigedd/ynysigrwydd.

Dwi hefyd yn credu bod diffyg ymwybyddiaeth ddiwylliannol y gallai myfyrwyr rhyngwladol dadlau drosti a’i rhannu â’r gymuned.

Iechyd meddwl a lles: gall myfyrwyr brofi straen, unigedd, hiraeth am gartref, ac anawsterau ymaddasu i amgylchedd academaidd neu ddiwylliannol newydd

Abbiegayle Fonseka

Fel myfyriwr rhyngwladol fy hun, dwi’n deall yr heriau rydyn ni’n eu hwynebu a byddaf yn sicrhau bod llais pob myfyriwr yn cael ei glywed a’i gefnogi.

• Pa nodweddion personol fyddech chi'n eu cyfrannu at y rôl?

Un agos-atoch a bodlon gwrando a deall y myfyrwyr sy’n dod ataf â’u pryderon ydw’i. Dwi hefyd yn gyfrifol, agored fy meddwl ac yn hyderus wrth godi fy llais pan fydd rhaid mynd i’r afael â rhywbeth. Dwi am i bobl deimlo’n gyfforddus i ddod ataf â’u pryderon, gan wybod y byddaf yn gwrando heb farnu ac yn gwneud fy ngorau i’w cefnogi. Dwi’n credu y bydd fy ngallu i gysylltu ag eraill yn helpu myfyrwyr i deimlo’n gyfforddus i ddod ataf. Fel myfyriwr rhyngwladol fy hun, dwi’n deall y daw mudo i amgylchiad newydd ac addasu i ddiwylliant gwahanol â’i heriau ei hun. Trwy’r swydd hon, dwi’n gobeithio dysgu mwy am wahanol ddiwylliannau a deall safbwyntiau eraill. Dwi’n credu y bydd y profiad a’r ddealltwriaeth y byddaf yn eu hennill o fudd i fi wrth gynrychioli a chefnogi myfyrwyr o bob cefndir fwy effeithiol.

• Beth yw’r 3 mater pennaf sy’n effeithio ar fyfyrwyr?  

Costau Byw - gall costau byw fod yn arbennig o heriol i fyfyrwyr, yn enwedig i fyfyrwyr rhyngwladol o wledydd gwannach eu harian. Gall treuliau bob dydd ee bwyd, trafnidiaeth, a llety deimlo’n ddrutach fyth wrth eu trosi o arian eu gwlad enedigol. Bydd rhaid i rai myfyrwyr gyfri a chymharu prisiau o hyd cyn gwario, a all gynyddu pwysau ariannol a’i gwneud hi’n anoddach i reoli eu cyllideb.

Iechyd meddwl a llesiant - gall mudo oddi cartref fod yn anodd, yn enwedig i fyfyrwyr rhyngwladol sy’n ymgynefino ag amgylchedd newydd. Gall hiraethu am gartref a bod ymhell oddi wrth eich teulu a’ch ffrindiau a theimlo’n unig gael effaith ar les meddwl myfyrwyr. Gall hyd yn oed pethau fel gwahanol fwyd a pheidio â gallu cael y bwyd y byddan nhw fel arfer yn ei fwyta gartre beri i fyfyrwyr weld eisiau eu cartref yn fwy fyth. Dwi’n credu y dylai myfyrwyr deimlo eu bod yn cael eu cefnogi ac yn cael cyfleoedd i gysylltu ag eraill a meithrin ymdeimlad o berthyn.

Y profiad myfyriwr a chyfathrebu - dylai pob myfyriwr deimlo eu bod yn cael eu clywed a chael eu hysbysu am y penderfyniadau a allai gael argraff arnynt. Mae cyfathrebu clir rhwng y Brifysgol, yr Undeb a myfyrwyr o bwys mawr i fyfyrwyr wybod ble y gellir cael help a sut mae codi pryderon.

Kaijah Clarke and Eni Kadiu 

O’r Caribi ac Albania, yn siarad 5 iaith! CHI YDYN NI! Rydyn ni’n deall y Saesneg yn pallu erbyn 8yh. Pleidleisiwch drosom ni i wneud i Aber deimlo fel gartre!

• Pa nodweddion personol fyddech chi'n eu cyfrannu at y rôl?

Ac un ohonom o’r Caribî a’r llall wedi byw rhwng Albania, yr Almaen, a’r Deyrnas Unedig, rydyn ni’n dod â safbwynt bydol, cyfoethog i Aberystwyth. Rydyn ni’n gallu siarad a deall 5 iaith: Saesneg, Albaneg, Almaeneg, Tyrceg, a Chreoliaith y Caribi. Mae hyn yn caniatáu i ni gyfathrebu â rhagor o fyfyrwyr a phontio’r bylchau diwylliannol ac ieithyddol fel neb arall. A ninnau wedi mudo gwlad sawl tro, rydyn ni’n deall pa mor anodd yw hi i ymgynefino â diwylliant newydd a chreu bywyd yn rhywle newydd. Fel deuawd, fe ddown ni ag empathi wedi’i wreiddio mewn profiad byw, meddyliau agored, a chrediniaeth gref y gallwn ni wneud i bob myfyriwr rhyngwladol hiraethu dipyn yn llai am gartref . Rydyn ni wedi ymrwymo i wrando’n astud, cynnig cyngor hygyrch, a meithrin cymuned gynhwysol, fywiog lle bydd pob myfyriwr rhyngwladol yn teimlo ei fod yn cael ei weld, ei glywed, ei gynrychioli, a’i gynrychioli bob cam o’r daith.

• Beth yw’r 3 mater pennaf sy’n effeithio ar fyfyrwyr?  

Hiraethu am gartref yw’r prif fater sy’n taro myfyrwyr fwyaf. Gall mudo i wlad hollol wahanol ar eich pen eich hun, heb ddim mwy na chês, beri i deimlo ymhell oddi wrth eich teulu a’r lle oedd gynt yn gartref i chi. Mae bod milltiroedd oddi wrth eich anwyliaid mewn man lle mae popeth yn ddiarth yn gallu codi ofn, a’n bwriad ni yw troi hynny’n ymdeimlad o berthyn, cysylltiad ac ail gartref y gallan nhw ymfalchïo ynddo.

Yr ail fater mwyaf sy’n cael effaith ar fyfyrwyr rhyngwladol yw’r rhwystrau ieithyddol a diwylliannol. O siarad o’n profiadau ein hunain, her fawr yw deall systemau newydd o’ch cwmpas a’ch rhoi eich hun ar ddeall i eraill. Bydd dyddiau lle bydd eich pen yn pallu gweithio, pan fyddwch chi’n anghofio lle rydych chi a ddim yn gwybod sut mae gofyn am help neu esbonio eich hun hyd yn oed. Dyna un o’r prif resymau rydyn ni’n ymgeisio am y rôl hon, rydyn ni am fod yno i atgoffa pob myfyriwr rhyngwladol ei bod hi’n iawn i deimlo allan ohoni ar brydiau, ac yn hollol normal os bydd eich Saesneg yn dechrau pallu erbyn 8yh.

Y trydydd mater sy’n effeithio ar fyfyrwyr fel ni yw diffyg gwybodaeth ynghylch ble i gael cymorth. Mae llawer o fyfyrwyr yn teimlo’n rhy swil i ofyn am help pan fydd gwir angen arnynt ac mae eraill nad ydynt yn gwybod bod help ar gael ac ym mha le y gallan nhw fanteisio ar y fath gymorth. Rydyn ni eisiau ei gwneud hi’n haws i fyfyrwyr rhyngwladol gael hyd i gymorth ac i fanteisio arno, fel hyn, cawn ni i gyd deimlo ein bod yn perthyn i Aberystwyth.

Gyda’n gilydd, fe awn ni i’r afael â’r heriau hyn a sicrhau bod pob myfyriwr rhyngwladol yn teimlo’n hyderus, cysylltiedig ac wedi’i rymuso trwy gydol ei daith yn Aberystwyth!

Alyson Alvarez 

Eleanor Bobe

Chwaraeon Gaeof a Dwr

Mae gen i restr ac af i ati i’w chwblhau.

• Pa nodweddion personol fyddech chi'n eu cyfrannu at y rôl?

Fel cynrychiolydd chwaraeon gaeaf a dŵr a llywydd y Clwb Rhwyfo Môr, dwi’n deall bod ein chwaraeon braidd yn unigryw a bod risgiau ynghlwm â nhw. Felly dwi am ei gwneud hi mor rhwydd â phosib i bob cymdeithas gyrraedd y lefel o ddiogelwch sydd ei hangen, ac i gyrraedd y bobl sydd erioed wedi ystyried rhoi cynnig ar eu chwaraeon o’r blaen, ond y bydden nhw wrth eu boddau.

Dwi’n drefnus, â’r gallu i gyfathrebu’n glir gyda rhestr o amcanion eglur y mae modd eu cyflawni. Pleidlais dros eglurder yw pleidlais drostof. Fyddwch chi byth eto yn agor eich e-byst yn meddwl, beth, rhywbeth arall? Hoffwn i y byddai rhywun fod wedi dweud wrthyf fod cymaint o gamau ynghlwm â chymryd yr awenau dros glwb!

Dywedith rhywun wrthych - fi.

(a’r rhestr eglur o dasgu y byddaf yn ei datblygu)

• Beth yw’r 3 mater pennaf sy’n effeithio ar fyfyrwyr?   

Fel y cynrychiolydd chwaraeon gaeaf a dŵr, bydd fy sylw ar:

- ei gwneud hi’n haws i gychwyn/cymryd clwb drosodd (trwy restr eglur o dasgau a’r dyddiadau angenrheidiol, a fydd ar gael i bawb)

- hyrwyddo cymdeithasau trwy gydol y flwyddyn (trwy fannau posteri/pamffledi penodol, ac e-byst ar ddiweddariadau cymdeithasau at fyfyrwyr ddwy waith yr wythnos)

- cyfathrebu clir gyda’r Undeb o’r cychwyn cyntaf un

Kiernan Cullimore Torrellas 

Hobïau A Diddordebau

Dwi eisiau prifysgol lle mae dysgu yn mynd y tu hwnt i farciau; lle mae chwilfrydedd, cymuned a datblygiad personol wrth galon y bywyd myfyriwr.

• Pa nodweddion personol fyddech chi'n eu cyfrannu at y rôl?

Dof â chwilfrydedd, ymroddiad a brwdfrydedd go iawn dros helpu eraill i ddarganfod diddordebau newydd. Fel llywydd y Gymdeithas Athroniaeth, dwi’n llunio a threfnu trafodaethau sy’n annog myfyrwyr i drafod syniadau anghyfarwydd, heriau rhagdybiaethau, a dysgu oddi wrth y naill a’r llall. Trwy’r Gymdeithas Athroniaeth, dwi wedi ennill y gallu i drefnu, y fenter a’r ymroddiad sydd eu hangen at droi syniadau yn gyfleoedd go iawn.

Dwi’n credu bod cynrychiolaeth dda, yn enwedig o ran er budd a datblygiad personol, yn dechrau â gwrando ar wahanol safbwyntiau, beirniadaeth fuddiol, a gweithio ar y cyd tuag at welliannau ymarferol.

Mae fy niddordebau academaidd yn cwmpasu Economeg, Cysylltiadau Rhyngwladol, Hanes a Seicoleg ac Athroniaeth, ond dwi’n credu bod addysg yn ymestyn ymhell y tu hwnt i’r ystafell ddosbarth. Dylai prifysgolion fod yn llefydd lle gall myfyrwyr ddatblygu o ran deall, cymdeithasol a phersonol, nid lle i fynd ar ôl cymwysterau yn unig. Byddwn yn dod â’r athroniaeth bersonol i’r Senedd, yn ogystal ag ymroddiad i wneud cymdeithasau myfyrwyr yn fwy croesawgar, deniadol a hygyrch i bawb.

• Beth yw’r 3 mater pennaf sy’n effeithio ar fyfyrwyr?  

1. Hygyrchedd a chyfleoedd i gymryd rhan

Gall pwysau ariannol, baich gwaith academaidd a chyfrifoldebau croes atal myfyrwyr rhag cymryd rhan yn llawn mewn cymdeithasau a gweithgareddau y tu hwnt i gyrsiau. Dwi am annog cyfleoedd fforddiadwy, hygyrch a fydd yn galluogi myfyrwyr i ddilyn eu diddordebau heb roi pwysau ariannol neu academaidd diangen arnynt.

2. Cymuned, perthyn a chynwysoldeb cymdeithasol

Mae’n rhaid i brifysgolion ddarparu cyfleoedd i wneud ffrindiau ystyrlon a chymunedau ar sail diddordebau cyffredin. Er y gall cael hyd i gymdeithas, cwrdd â phobl newydd neu deimlo’n hyderus i gymryd rhan fod yn her. Dwi eisiau i gymdeithasau gynnig croeso i fyfyrwyr o wahanol gefndiroedd a disgyblaethau gysylltu â’i gilydd, cyfnewid safbwyntiau a meithrin ymdeimlad o berthyn.

3. Datblygiad personol a dysgu y tu hwnt i’r marciau

Mae llwyddo’n academaidd yn bwysig, ond dylai addysg hefyd fagu chwilfrydedd, gallu creadigol, ac annibyniaeth ddeallol. Pan ddiffinnir dysgu gan asesiadau, mae peryg i fyfyrwyr golli cyfleoedd i gael profi ymhyfrydu mewn pynciau am eu bod o ddiddordeb iddynt. Mae arnaf eisiau cryfhau rhan gymdeithasau mewn cefnogi dysgu gydol oes, meddwl annibynnol a datblygiad personol, gan gydnabod bod rhai o’r profiadau mwyaf gwerthfawr yn y Brifysgol yn digwydd y tu allan i ddysgu ffurfiol.

Cristina Leicu

Cynrychiolwyr Clybiau Chwaraeon Seneddol: Pêl, Raced ac Arall 

Dwi’n teimlo’n gryf tuag at ddadlau dros dimau chwaraeon ein Prifysgol ac dwi’n benderfynol o weithio ar y cyd â nhw i sicrhau bod eu hanghenion yn cael eu clywed a’u diwallu.

• Pa nodweddion personol fyddech chi'n eu cyfrannu at y rôl?

Dwi’n dod â phrofiad o’r tu allan i’r amgylchedd academaidd. Dwi wedi dal sawl rôl yr oedd gofyn i fi roi eraill ar y blaen ac dwi’n credu mai dyna un o fy mhrif gryfderau. Fi yw is-lywydd ar dîm pêl-rwyd y menywod hefyd, sydd eisoes wedi fy nysgu gymaint am waith tîm a gwneud cyfaddawdau sydd o fudd i aelodau fy nhîm.

• Beth yw’r 3 mater pennaf sy’n effeithio ar fyfyrwyr?  

Y prif fater sy’n cael effaith ar fyfyrwyr, clybiau a chymdeithasau fwyaf yw pryderon ariannol. Mae hyn yn cael effaith ar fyfyrwyr pan ddaw i’w hanghenion a’u dyheadau a’i gwneud hi’n anoddach iddynt fwynhau eu hamser yn y Brifysgol neu i roi sylw i’w hastudiaethau.

Mater mawr arall yn y gymuned yw anawsterau iechyd meddwl. Er mor hawdd y gallai gael ei ddiystyru gan lawer, gall arwain at anawsterau academaidd a chymdeithasol os aiff heb ei drin.

Yn olaf, mae llawer ohonom yn gallu ei gweld hi’n anodd addasu i’r bywyd myfyriwr. Waeth ai bod oddi cartref, gwneud ffrindiau newydd neu wneud pethau nad oedd angen eu gwneud cyn gadael gartre yw.