|
Diana Monajemi Nezhad


|
Y Senedd: Cynrychiolydd Tai Rosser
Gwaith cynnal a chadw ac atgyweirio llety
Un problem sy'n cael effaith ar fyfyrwyr yw'r amser mae'n ei gymryd i fynd i’r afael â phroblemau cynnal. Pan fydd pethau'n torri neu'n methu â gweithio, weithiau bydd myfyrwyr yn aros am gyfnod hir. Mae hyn yn arbennig o rwystredig ac anghyfleus pan mae'n cael effaith ar eu bywyd bob dydd myfyrwyr a'u cysur. Rwy'n meddwl y dylai fod system fwy effeithlon i ymateb i geisiadau cynnal a chadw.
Costau Llety
Mater arall yw cost uchel llety’r brifysgol. Mae’r Brifysgol eisoes yn eisoes gyda myfyrwyr yn gorfod cadw’r ddysgl yn wastad rhwng ffioedd dysgu, bwyd, trafnidiaeth, a chostau byw arall. Credaf y dylai prisiau llety fod yn deg ac yn adlewyrchu ansawdd y cyfleusterau a'r gwasanaethau a ddarperir.
Rheoli gwres a thymheredd
Yn olaf er bod botwm sy'n caniatáu i fyfyrwyr droi eu gwres ymlaen, dim ond am gyfnod byr mae'n aros ymlaen cyn diffodd yn awtomatig. Mae hyn yn arbennig o rwystredig yn ystod misoedd oerach. Rwy'n deall pwysigrwydd rheoli defnydd ynni, ond rwy'n credu y dylai myfyrwyr deimlo'n gyfforddus yn eu hystafelloedd eu hunain. Rwy'n credu y dylai'r brifysgol roi mwy o hyblygrwydd a rheolaeth i fyfyrwyr dros eu gwres neu ailystyried pa mor hir y mae'r gwres yn aros ymlaen.
|
|
Abbiegayle Fonseka


|
Y Senedd: Cynrychiolydd Tai Cwrt Mawr
1. Costau byw – Gall costau byw fod yn arbennig o heriol i fyfyrwyr, yn enwedig i fyfyrwyr rhyngwladol sy'n dod o wledydd gydag arian gwannach. Gall treuliau bob dydd fel bwyd, trafnidiaeth a llety deimlo yn ddrutach o lawer pan fyddant yn cael eu trosi o'u harian cartref. Efallai y bydd yn rhaid i fyfyrwyr gyfri a chymharu prisiau'n gyson cyn gwario, sydd yn gallu gwaethygu’r pwysau ariannol arnynt ac yn gwneud rheoli eu cyllideb yn anoddach.
2. Iechyd meddwl ac unigedd – Gall gadel cartref fod yn heriol, yn enwedig i fyfyrwyr rhyngwladol sy'n addasu i amgylchedd newydd. Gall hiraeth, bod ymhell oddi wrth deulu a ffrindiau, a theimlo'n unig gael effaith ar les meddyliol myfyrwyr. Hyd yn oed pethau bach, fel gwahaniaethau mewn bwyd a methu cael y bwyd maen nhw'n arfer ei gael gartref, gall wneud i fyfyrwyr hiraethu am gartre yn fwy fyth. Rwy'n credu y dylai myfyrwyr deimlo eu bod yn cael eu cefnogi a chael cyfleoedd i gysylltu â phobl eraill a meithrin ymdeimlad o berthyn.
3. Cyfathrebu a chynrychiolaeth – Weithiau y bydd myfyrwyr yn teimlo nad yw eu pryderon yn cael eu clywed neu nad ydynt yn gwybod at bwy i fynd pan fyddant yn wynebu anawsterau. Mae hefyd diffyg ymwybyddiaeth am y cymorth, y cyfleoedd a’r gwasanaethau sydd ar gael iddynt. Rwy’n credu ei bod yn bwysig gwella cyfathrebu rhwng myfyrwyr, y brifysgol ac Undeb y Myfyrwyr, tra’n sicrhau bod myfyrwyr o gefndiroedd gwahanol yn cael y cyfle i rannu eu barn a theimlo eu bod yn cael eu cynrychioli.
|
|
Echo May


|
Y Senedd: Cynrychiolydd Tai PJM
Tri o'r pethau sy'n effeithio fwyaf ar fyfyrwyr ar hyn o bryd yw:
- Heriau iechyd meddwl, yn enwedig unigedd neu ddiffyg cymuned.
- Hygyrchedd ar draws y campws, gan gynnwys o amgylch y blociau preswyl ac o ran cyfathrebu.
- Atgyweirio a chynnal a chadw llety.
|
|
Kaijah Clarke


|
Y Senedd: Cynrychiolydd Llety Neuaddau Myfyrwyr Allanol
Costau Byw a Thai Fforddiadwy: Mae'r cynnydd mewn costau rhent a gwasanaethau yn pwyso’n arbennig o drwm yn ariannol ar fyfyrwyr. Mae'n hanfodol sicrhau bod llety myfyrwyr a neilltuir gan y brifysgol a llety preifat yn ddiogel, o ansawdd uchel, ac yn wirioneddol fforddiadwy i gefnogi lles a pherfformiad academaidd myfyrwyr.
Ynysigrwydd a Chysylltiadau Campws: Mae myfyrwyr sy'n byw mewn neuaddau allanol yn aml yn teimlo'n ddatgysylltiad oddi wrth gymuned academaidd a chymdeithasol y brifysgol. I hybu integreiddio, mae angen gwell drafnidiaeth, digwyddiadau cymdeithasol lleol, a mentrau sy'n hybu ymdeimlad o berthyn ymhlith teulu'r brifysgol.
Mynediad i Gyfleusterau a Chymorth 24/7: Mae angen i fyfyrwyr allanol gael mynediad parhaus i lefydd astudio, gwasanaethau lles, a chymorth y tu hwnt i oriau safonol. Gall cyflwyno atebion digidol gwell a gofal bugeiliol ymatebol wella bywyd beunyddiol myfyrwyr yn sylweddol.
|
|
Cristina Leicu


|
Y Senedd: Cynrychiolydd Myfyrwyr y Sector Preifat
Y prif fater rwy wedi gweld llawer ohonom yn cael trafferth gydag e yw arian. Mae costau byw wedi ei gwneud hi'n fwy anodd i fyfyrwyr fforddio anghenion a dymuniadau sy'n cael effaith enfawr ar ein cymuned. Mae'n tynnu oddi ar fwynhad bod yn fyfyriwr prifysgol gan ychwanegu at y pwysau sydd eisoes yn bodoli mewn bywyd yn y brifysgol.
Yr ail fater rwyf wedi siarad gyda llawer o fyfyrwyr amdano yw brwydro ag iechyd meddwl. Boed heb ddiagnosis neu beidio, mae problemau iechyd meddwl wedi cael effaith ar lawer o fyfyrwyr. Mae pryder cymdeithasol yn ei gwneud hi'n anodd i fyfyrwyr gymdeithasol, gan wneud iddynt deimlo allan o le, mae iselder yn pwyso’n drwm nid yn unig ar y meddwl ond hefyd ar y corff ei hun, gan ei gwneud hi'n anodd i fyfyrwyr nid yn unig ffocysu ar gynnal perthnasoedd cymdeithasol ond hefyd i gyflawni eu hamcanion academaidd ac mae cymaint o bobl yn oedi cyn gofyn am gymorth. ...
Y trydydd mater i fi ei wynebu yn bersonol oedd ymdopi â bywyd prifysgol. Boed yn hiraethu am gartref neu ddechrau o'r cychwyn un, mae'n gam mawr i bobl ifanc wneud ar eu pen eu hunain.
|
|
Gareth Thomas
.png)

|
Y Senedd: Cynrychiolydd Myfyrwyr y Sector Preifat
1. Safonau a Diogelwch Tai
Mae myfyrwyr sy'n byw mewn tai rhent preifat, yn enwedig tai rhannu a thai amlfeddiannaeth, yn wynebu problemau fel lleithder, gwaith cadw a chynnal, atgyweirio, a hygyrchedd gwael. Dylai pob myfyriwr gael man diogel a chysurus i fyw ynddo fel y gallant ganolbwyntio ar eu hastudiaethau.
2. Deall Hawliau Tenantiaid
Gall deall cytundebau rhentu, blaendal, dyletswyddau landlord, a thrwsio beri penbleth, yn enwedig i fyfyrwyr sy'n rhentu ar eu pennau eu hunain am y tro cyntaf. Mae angen gwybodaeth glir a dibynadwy ar fyfyrwyr am eu hawliau a'u cyfrifoldebau, yn ogystal â chyngor ar ble i gael help annibynnol.
3. Cael Gafael ar Gefnogaeth a Chynrychiolaeth
Pan mae gan fyfyrwyr broblemau tai, efallai na fyddant yn gwybod ble i fynd am help neu ddim yn teimlo'n gyfforddus i siarad. Mae cynrychiolaeth dda yn golygu gwrando ar eu profiadau, adnabod broblemau cyffredin, a sicrhau bod eu lleisiau'n cael eu clywed. Mae'n golygu hefyd rhoi’r diweddaraf i fyfyrwyr am ba broblemau sydd wedi eu codi, pa gynnydd a wnaed, a pha heriau sydd i'w hwynebu o hyd.
|
|
Taylor Sturgeon
.png)
.png)
|
Y Senedd: Cynrychiolydd Myfyrwyr y Sector Preifat
1. Fforddadwyedd a chostau rhent cynyddol: Mae llawer o fyfyrwyr yn cael trafferth gyda rhent uchel, blaendal a biliau nwy a thrydan, yn enwedig gan nad yw benthyciadau cynnal a chadw yn aml yn ddigon at gostau byw.
2. amgylchiadau tai gwael: Yn aml mae myfyrwyr yn profi problemau fel lleithder, llwydni, gwres annigonol a thrwsio hwyr. Gall y rhain gael effaith er gwaeth ar eu hiechyd corfforol ac emosiynol, yn ogystal â'u perfformiad academaidd.
3. Materion perchennog a thenantiaeth: Gall myfyrwyr wynebu cytundebau tenantiaeth annheg, anawsterau wrth gael blaendaliadau yn ôl a chyfathrebu gwael rhwng perchnogion neu asiantaethau tai. Dyw llawer o fyfyrwyr hefyd ddim callach o ran eu hawliau tai, gan eu gwneud yn agored i gael eu hecsbloetio.
Gall y problemau hyn gynyddu straen ariannol, effeithio'n negyddol ar les myfyrwyr a gwneud hi'n anoddach i fyfyrwyr ganolbwyntio ar eu astudiaethau prifysgol
|
|
Gwenan Morris


|
Y Senedd: Cynrychiolydd Tai Pantycelyn
Y tri mater mwyaf brys i fyfyrwyr ar hyn o bryd yn fy marn i yw
1. Costau byw
2. Cefnogaeth iechyd meddwl a'r stigma ynghlwm â’r pwnc
3. Diffyg hyder/Teimlo'n rhy ansicr i ofyn am gefnogaeth neu gyngor.
|
|