Diwylliant Cymreig a UMCA

Nanw Maelor - Swyddog Diwylliant Cymreig a Llywydd UMCA

"Nanw yw llais diwylliant Cymreig a myfyrwyr Cymraeg yn Aberystwyth."

Mae'r rôl hon yn canolbwyntio ar hyrwyddo diwylliant Cymru gan roi cyfle i fyfyrwyr Aber ddysgu, siarad a byw'r iaith.

E-bost: cymraegum@aber.ac.uk

Fy Rôl

Bydd y Swyddog Diwylliant Cymreig a Llywydd UMCA yn gyfrifol am y canlynol:

Sicrhau cynrychiolaeth ddigonol o'r diwylliant Cymreig a'r iaith Gymraeg yn Undeb y Myfyrwyr a sicrhau bod y polisi dwyieithrwydd yn cael ei hyrwyddo.
Cydlynu gweithgareddau ac ymgyrchoedd sy'n ymwneud â buddiannau siaradwy y Gymraeg a dysgwyr.
Cynrychioli anghenion yr aelodau mewn Neuaddau Preswyl cyfrwng Cymraeg.
Sicrhau bod Undeb Aberystwyth yn cael ei gadw'n gyfoes ynghylch materion lleol a chenedlaethol sy'n effeithio ar fyfyrwyr Cymraeg eu hiaith.
Lobïo UCM i ddarparu cynrychiolaeth ddigonol o'r diwylliant Cymreig a'r iaith Gymraeg.
Gweithio gyda Phrif Weithredwr ac uwch dîm rheolaeth Undeb Aberystwyth i gyflawni a ffurfio amcanion a deilliannau strategol.
Mynychu Pwyllgorau priodol y Brifysgol. h. Cwrdd yn rheolaidd gydag adrannau perthnasol y Brifysgol i hyrwyddo anghenion siaradwyr Cymraeg a'r rheiny sy'n dysgu'r iaith.

Pwyllgorau’r Brifysgol / Cyfarfodydd a Fynychwyd:

Cyngor y Brifysgol
Senedd
Bwrdd Academaidd
Pwyllgor Llywodraethiant a Chydymffurfiaeth
Pwyllgor Darpariaeth Cyfrwng Cymraeg
Grwp Gweithredol yr Iaith Gymraeg

Yn sgil pleidlais yn Cyf Cyff yr Undeb fis Mawrth 2025, caiff y swydd hon ei newid i:Llywydd UMCA.
Yn ystod Etholiadau’r Gwanwyn 2026, bydd myfyrwyr yn sefyll am y swyddi hyn a phleidleisio drostynt, a bydd y rheini gaiff eu hethol yn dechrau fis Gorffennaf 1af 2026.

Blaenoriaethau Presennol

Mae rhestr isod o flaenoriaethau y mae Nanw yn gweithio arnynt eleni yn ogystal â’r cynnydd mae e wedi’i wneud hyd yma…

Bydd myfyrwyr Aberystwyth yn teimlo eu bod yn cael eu clywed a'u cynrychioli. Byddwn yn siarad â myfyrwyr yn rheolaidd er mwyn deall yr heriau y maent yn eu hwynebu, gan sicrhau fod gennym yr wybodaeth sydd ei hangen i'w chyflwyno i'r Brifysgol ac arwain gwaith yr Undeb.
Sicrhau bod y Gymraeg a’i diwylliant yn ffactor pwysig yn nhrafodaethau’r brifysgol a’r Undeb. Cydweithio gyda’r brifysgol i integreiddio’r Gymraeg yn eu strategaeth ar gyfer y dyfodol. Cydweithio gyda’r Swyddog Academaidd er mwyn dayblygu’r system cynrychiolwyr academaidd a chreu system sy’n rhoi llais a budd i fyfyrwyr Cymraeg. Edrych ar galendr y flwyddyn ac ystyried sut y gellir dathlu a rhoi llwyfan i’r Gymraeg a diwylliant Cymreig. Sicrhau cyfleoedd hygyrch i ymdrochi yn y ddiwylliant a dysgu’r iaith o fewn y brifysgol a’r Undeb.
Creu a sefydlu cyfansoddiad swyddogol ar gyfer UMCA Cynnal trafodaethau gyda phwyllgor ac aelodau UMCA er mwyn pennu pa werthoedd sy'n bwysig iddyn nhw a sut y gwelan nhw berthynas UMCA gyda'r Undeb a'r Brifysgol yn datblygu. Sefydlu cyfansoddiad sy'n cynnig diogelwch i UMCA fel sefydliad yn y dyfodol. Creu is-bwyllgor er mwyn craffu ar y cyfansoddiad yn fanwl. Gweithio gyda'r Undeb i drafod sut y gellir creu cyfansoddiad sy'n sefydlu perthynas buddiol rhwng y ddwy Undeb.
A ddylai Undeb Myfyrwyr Aberystwyth Students’ Union newid ei enw a chael ei chydnabod fel Undeb Aberystwyth?* ----------
A ddylai Undeb Aberystwyth roi’r gorau i’w broffil “X”, a lobio i’r Brifysgol wneud yr un peth? * ----------
Polisi Goddef Dim tuag at Wahaniaethu, Aflonyddwch ac Ymosodiadau Rhywiol* ----------

Mae * yn dynodi polisi a basiwyd yn ddemocrataidd gan fyfyrwyr Aberystwyth. Darganfod mwy

Diwylliant Cymreig a UMCA

A ddylai Undeb Myfyrwyr Aberystwyth Students’ Union newid ei enw a chael ei chydnabod fel Undeb Aberystwyth?*

A ddylai Undeb Aberystwyth roi’r gorau i’w broffil “X”, a lobio i’r Brifysgol wneud yr un peth? *

Polisi Goddef Dim tuag at Wahaniaethu, Aflonyddwch ac Ymosodiadau Rhywiol*