Pa nodweddion personol fyddech chi'n eu cyfrannu at y rôl?

Gan mai fi yw Swyddog Ôl-radd Undeb y Myfyrwyr, dwi’n gyfarwydd â’r swyddi a’r cyfrifoldebau a ddisgwylir gennyf i felly rhwydd fyddai newid i fy swydd newydd. Dwi wedi dod yn gyfarwydd â’r heriau y mae myfyrwyr yn eu hwynebu a’r ffordd orau o wybod mwy a mynd i’r afael â nhw trwy fy ngwaith gyda’r Adran Saesneg ac Ysgrifennu Creadigol fel cynrychiolydd academaidd ers y tair blynedd ddiwethaf.

Mae fy mhrofiad gwirfoddol mewn cymdeithasau, prosiectau, a digwyddiadau prifysgol eraill yn fy ngwneud yn un amryddawn, yn gweithio’n effeithiol mewn timau ac mewn rolau arwain, ee Prif Arweinydd Prosiect ar y Llyfrgell Rydd Fach, ysgrifenydd ar Curtain Call, a Superteams.

Yn gyffredinol, un drefnus ydw’i, yn ogystal yn wrandäwr a datryswr da felly byddwn yn cadw yn driw a brwd dros gael hyd i ateb addas. Byddwn yn gweithio’n agos gyda chynrychiolwyr academaidd a phob adran, gan godi ymwybyddiaeth o’r cymorth sydd gan y llyfrgell a’r Gwasanaeth Gyrfaoedd i’w gynnig, gan eu hamlygu a’i gwneud hi’n haws troi atynt.

Beth yw’r 3 mater pennaf sy’n effeithio ar fyfyrwyr? 

1 - Cymorth Iechyd Meddwl Rhaid gwella mynediad i gwnsela, a chynyddu’r cymorth i bobl sy’n delio ag unigedd a phwysau academaidd.

2- yr Argyfwng Costau Byw Mae angen arnom fwy o gymorth a chyngor ariannol ar gyllidebu a chyfarwyddyd. Rhaid sicrhau fod llyfrau ac offer cwrs fforddiadwy i’w cael yn haws i fyfyrwyr, ac mae’n rhaid i ddarlithwyr gadw ar ben diweddaru rhestrau darllen fel nad yw myfyrwyr yn gwario’n ddiangen ar ddeunydd cwrs.

3- Hygyrchedd a Chynwysoldeb Rhaid gwneud cymorth i fyfyrwyr ag anableddau a niwroamrywiaethau yn fwy hygyrch. Er bod rhai darpariaethau ar waith, gall mynd ar ôl cymorth flino a llethu person gan ei wneud yn aneffeithiol.

Pa nodweddion personol fyddech chi'n eu cyfrannu at y rôl?

Dof i ag arweinyddiaeth gynhwysol, cyfathrebu clir, a chydweithio cryf i gryfhau’r berthynas rhwng myfyrwyr a’r brifysgol.

Beth yw’r 3 mater pennaf sy’n effeithio ar fyfyrwyr? 

Heriau llety, bylchau mewn cymorth iechyd meddwl, pwysau academaidd, sy’n peri straen a phryderon ynghylch y baich gwaith.

Pa nodweddion personol fyddech chi'n eu cyfrannu at y rôl?

Myfyriwr ôl-radd ydw’i â gradd meistr mewn Rheoli Prosiectau Gweinyddu Busnes a bellach yn dilyn gradd feistr mewn Astudiaethau Gwybodaeth a Astudiaethau Llyfrgell Mae gennyf i sgiliau arwain a chyfathrebu helaeth gan gynnwys profiad ar fwrdd cyfarwyddwyr nid-er-elw, profiad rheoli o fewn sawl swydd a phrofiad gwirfoddoli. Dwi’n greadigol wrth ddatrys problemau a finnau wedi arwain timau llwyddiannus mewn sawl gwahanol ddiwydiant, felly mae’n hawdd i fi addasu i newid. Dwi hefyd wedi bod y cynrychiolydd academaidd dros fy ngharfan ôl-raddedig yn yr Adran Astudiaethau Gwybodaeth.

Beth yw’r 3 mater pennaf sy’n effeithio ar fyfyrwyr? 

- Mae’r diffyg empathi a sgiliau rhyngbersonol gan y gyfadran yn arbennig o amlwg yn y flwyddyn sylfaen. Mae myfyrwyr wedi wynebu difaterwch wrth ofyn am gymorth ynghylch marciau, astudiaethau, neu gwestiynau bywyd cyffredinol. Yn lle cynnig sgwrs ymarferol, dywedir ‘dydw’i ddim yn gwybod’ wrthynt a gadael iddynt fynd ati ar eu liwt eu hunain. Mae myfyrwyr yn ei chael hi’n anodd oherwydd na allen nhw hyd yn oed droi at eu darlithwyr na’u tiwtoriaid personol am gyngor iawn.

- dyw myfyrwyr ddim yn dysgu’r sgiliau y maen nhw i fod i’w dysgu. Dyw’r cwricwlwm a ddysgir i’r flwyddyn sylfaenol ddim cystal â phrifysgolion eraill y Deyrnas Unedig.

- dyw myfyrwyr ddim yn cael eu paratoi i lwyddo ac yn cael eu gadael i straffaglu. Gweithdai defnyddiol nad ydynt un ai 1) yn cael eu cynnal neu 2) yn cael eu dysgu’n llwyddiannus. Fodd bynnag, gwnaed rhai darlithoedd a gweithdai sawl gwaith i’r un un grŵp o bobl pan y dylid fod wedi cyflwyno rhywbeth mwy buddiol.

Pa nodweddion personol fyddech chi'n eu cyfrannu at y rôl?

Mae gen i ots am Cyfleoedd myfyrwyr yn fwy na dim a finnau fy hun yn perthyn i lawer o gymdeithasau ee y clwb llyfrau, dawnsio, ffitrwydd awyr, a’r clwb phyte. Mae bod yn rhan o’r cymdeithasau hyn o fudd i fi wrth ddeall pwysigrwydd cysylltiad a faint o les mae bod yn rhan o gymdeithas/clwb yn gwneud i fyfyrwyr a bod hynny’n meithrin ymdeimlad o gymuned a chyfeillgarwch na cheir ym myd academaidd yn unig.

Beth yw’r 3 mater pennaf sy’n effeithio ar fyfyrwyr? 

Y tri phrif broblem, yn fy marn i, yw: straen, unigrwydd a chydbwyso. I fi, roedd dod i’r brifysgol yn newid mawr o’r blaen. Mae cymaint o straen yn fwy a ddaw wrth ddod yn oedolyn ifanc heb sôn am feithrin perthnasau a gwneud ffrindiau a chydbwyso astudio ar ben hynny. Fel y Swyddog Llesiant, hoffwn gefnogi pobl gyda’r trawsnewid hwn a’u helpu i ddeall nad ydynt ar eu pennau eu hunain waeth pa mor llethol y gall pethau deimlo ar brydiau.

Pa nodweddion personol fyddech chi'n eu cyfrannu at y rôl?

Fi yw Cadeirydd yr Undeb ers y ddwy flynedd ddiwethaf, dwi ar bwyllgor cymdeithas, dwi’n perthyn i ddau glwb chwaraeon, dwi hefyd yn arweinydd prosiect ar brosiect gwirfoddol, dwi’n gwirfoddoli eithaf tipyn. Os oes unrhyw beth sy’n ymwneud â chyfleoedd, dwi’n rhan ohono, felly creda’ i fy mod i’n dod â safbwynt unigryw i’r swydd. Dwi’n gadeirydd ar gynghrair nofio gyda dros 60 o brifysgolion a fi oedd Gwirfoddolwr y Flwyddyn yng Ngwobrau Elusennau Cymru y llynedd. Ond ar ben hynny, dwi wirioneddol yn caru’r Undeb a hoffwn i gael cyfle i adael fy ôl.

Beth yw’r 3 mater pennaf sy’n effeithio ar fyfyrwyr? 

Mae’r argyfwng costau byw yn broblem fawr i fyfyrwyr, nid yw grantiau myfyrwyr yn adlewyrchu yr hyn sydd ei angen ar bobl a hynny, yn ei dro, yn gorfodi pobl i weithio tra’n astudio ac nid felly y dylai fod, problem fawr arall yw tai, mae llawer o dai myfyrwyr yn cael eu trin yn eilradd gan landlordiaid gan mai ‘i fyfyrwyr’ ydynt, sy’n arwain at broblemau iechyd a theimlo’n waeth gan nad yw’r man lle rydych chi’n byw yn cael ei gynnal yn iawn. Problem fawr arall gyda myfyrwyr yw diffyg gobaith am y dyfodol, diffyg swyddi i raddedigion ar ôl y brifysgol i nifer fawr o raddau.

Pa nodweddion personol fyddech chi'n eu cyfrannu at y rôl?

Dwi’n angerddol iawn dros ddod â mwy o gyfleoedd i fyfyrwyr raddio gyda mwy na gradd. Fel myfyriwr celf gain, dwi’n dod â meddylfryd creadigol a meddwl agored i bob sgil a diddordeb. Wedi tair blynedd o fod yn gynrychiolydd myfyriwr, dwi’n frwd iawn dros fuddion swyddi a gwirfoddoli ar cyd ag astudiaethau.

Beth yw’r 3 mater pennaf sy’n effeithio ar fyfyrwyr? 

1. Cyfleoedd gwaith i fyfyrwyr Parhau i hybu cyfleoedd gwirfoddoli i’r corff myfyrwyr a gwerth y profiad wedi’r brifysgol.

2. Parhau i roi digwyddiadau cymdeithasol deniadol at ei gilydd i feithrin gwell ymdeimlad o gymuned ar draws y brifysgol, gan ennyn mwy o ddiddordeb yn y digwyddiadau a gynhelir ar hyn o bryd gan y Brifysgol a’r Undeb.

3. Cryfhau cyfleoedd i gymdeithasau gan leddfu peth o’r baich ariannol oddi ar yr aelodaeth ac offer, yn ogystal â chreu gwell gyfathrebu rhwng pwyllgorau cymdeithasau a’r Undeb.

Pa nodweddion personol fyddech chi'n eu cyfrannu at y rôl?

Rwy’n berson ymroddedig sydd wedi cyfrannu i bob agwedd o ddiwylliant Cymreig Aberystwyth. Rwyf wedi bod yn aelod gweithgar o UMCA. Cefais fy ethol yn Is-Lywydd ac yn Swyddog Gweithgareddau ar bwyllgor UMCA. Mae’r rolau wedi rhoi’r cyfle imi gymdeithasu a chefnogi’r aelodau, yn ogystal ag ymgyfarwyddo ag anghenion UMCA. Rwy’n gyfeillgar ond yn gadarn, rhinweddau a fydd yn fy ngalluogi i gyfathrebu’n effeithlon gyda fy nghydweithwyr yn ogystal â gwneud penderfyniadau’n annibynnol. Drwy ennill cystadlaethau siarad cyhoeddus, datblygais yn berson hyderus, disgybliedig a rhyngweithiol. Dyma nodweddion sy’n sicrhau y byddaf yn gallu sefyll ar amryw o bwyllgorau a chynghorau fel cynrychiolaeth gref o UMCA. Rwy’n berson brwdfrydig a dibynadwy ac mae’r cyfleoedd rwyf wedi’u cael i amlygu’r Gymraeg fel cynrychiolydd UMCA ar Senedd yr Undeb yn brawf o hyn. Rwy’n berson penderfynol ac uchelgeisiol, ac rwy’n barod i sefyll dros y Gymraeg a thros UMCA yn y rôl hon.

Beth yw’r 3 mater pennaf sy’n effeithio ar fyfyrwyr? 

Mater sy’n peri gofid yw’r argyfwng costau byw, sy’n effeithio ar ein bywydau a’r brifysgol: trwy dorri’n ôl ar swyddi, ariannu adrannau neu ddarpariaeth. Dyma fygythiad mwy byw inni’r myfyrwyr Cymraeg, lleiafrifol. Rhaid sicrhau bod digon o ddarpariaeth a modiwlau cyfrwng Cymraeg er mwyn rhoi’r cyfle inni ddysgu a chyflwyno gwaith yn ein mamiaith. Mater sy’n deillio o’r broblem hon, yw’r straen ar les myfyrwyr. Mewn Undeb gynrychioliadol, mae’n hollbwysig bod llais myfyrwyr yn cael eu clywed a’u parchu, er mwyn sicrhau gofal dros eu lles. Yn olaf, mater agos iawn at fy nghalon fel myfyriwr sy’n byw drwy’r Gymraeg yw Neuadd Pantycelyn. Mae ond yn deg bod myfyrwyr Cymraeg yn cael lle i ymdrochi yn eu diwylliant, yr iaith a’r gymuned Gymraeg. Mae’n hollbwysig nad yw myfyrwyr di-Gymraeg yn cymryd mantais o’r safle, a bod y tenantiaid sy’n

Pa nodweddion personol fyddech chi'n eu cyfrannu at y rôl?

Mae fy ngallu i ddeall emosiynau pobl a dangos empathi yn fy ngwneud yn gyfeillgar ac yn un agos-atoch. Mae fy ffrindiau’n fy nisgrifio fel rhywun sy’n gwrando’n astud ac yn garedig, yn ogystal ag un fywiog a deallus. Dwi’n teimlo’n angerddol am y prosiectau rwy’n ymgymryd â nhw ac yn ymdrechu i weithio gyda thîm i gynrychioli buddiannau pob myfyriwr mewn materion ynghylch lles a rhyddid. Mae fy mhrofiadau fel cynorthwyydd i gymheiriaid ac fel cynrychiolydd academaidd wedi bod o fudd i fi wrth fagu’r sgiliau priodol i gynorthwyo pobl ag anawsterau iechyd meddwl o fewn systemau’r brifysgol. Dwi’n berson penderfynol sy’n dadlau dros well fynediad at ofal iechyd meddwl.

Beth yw’r 3 mater pennaf sy’n effeithio ar fyfyrwyr? 

Gredaf i mai’r tri phrif fater sy’n effeithio ar les myfyrwyr ar hyn o bryd yw unigrwydd, iechyd meddwl a chostau byw. Mae myfyrwyr o Wledydd Prydain a’r tu allan yn aml yn disgrifio eu blwyddyn gyntaf yn y brifysgol fel un unig a heriol wrth edrych yn ôl, a newid hynny yw fy nod. Gall unigrwydd wneud drwg i fyfyrwyr ac amharu ar eu allu i wneud y gorau o’u hamser yn y brifysgol. Gall trefnu cyfleoedd i fyfyrwyr gwrdd â phobl newydd drwy gydol y flwyddyn fod yn ffordd o fynd i’r afael â’r broblem honno. Mae costau byw hefyd yn peri pryder mawr i fyfyrwyr, gan olygu bod yn rhaid iddynt weithio, weithiau ar draul eu graddau. Mae iechyd meddwl yn broblem eang nad yw’n cael digon o sylw. Mae angen gweithredu systemau cymorth gwell fel y gall myfyrwyr gysylltu â gwasanaethau lles a chael cymorth pan fydd ei angen arnynt, boed hynny am resymau academaidd neu bersonol. Mae angen canoli gwasanaethau lles a’u hyrwyddo’n well.

Pa nodweddion personol fyddech chi'n eu cyfrannu at y rôl?

Dwi’n dod ag empathi, cynhesrwydd ac angerdd gwirioneddol dros les myfyrwyr. Un y mae pobl yn teimlo’n gyfforddus yn siarad â nhw ydw’i, ac dwi’n cymryd pryderon o ddifri. Dwi’n gwrando heb farnu ac yn credu bod pawb yn haeddu teimlo’n werthfawr a chael ei barchu. Dwi’n un trefnus a rhagweithiol, felly dydw’i ddim yn siarad am newid yn unig— dwi’n gweithio tuag ato. Dwi’n hyderus wrth gynrychioli myfyrwyr mewn cyfarfodydd, ond credaf hefyd mai gwrando yw dechrau arweinyddiaeth. Mae gennyf i ots mawr am gydraddoldeb, amrywioldeb, a chreu llefydd lle mae myfyrwyr yn teimlo’n ddiogel i fod yn nhw eu hunain. Yn bwysicaf oll, dwi’n ymroddgar, yn ddibynadwy, ac yn barod i fod yn gefn cyson i fyfyrwyr.

Beth yw’r 3 mater pennaf sy’n effeithio ar fyfyrwyr? 

Her fawr yw iechyd meddwl. Mae llawer o fyfyrwyr yn ymdopi’n dawel â straen, pryder a’r pwysau i lwyddo. Mae angen mwy o ymwybyddiaeth ynghylch iechyd meddwl fel bod myfyrwyr yn gwybod nad ydynt ar eu pennau eu hunain a’i bod hi’n iawn i ofyn am gymorth. Mae’n bwysig bod pawb yn deall pa gymorth sydd ar gael ac yn teimlo’n hyderus i fynd ato pan fo angen.

Mater mawr arall yw straen ariannol. Mae’r costau byw cynyddol, ffioedd llety, a threuliau sy’n gysylltiedig â chyrsiau yn rhoi mwy a mwy o bwysau ar fyfyrwyr, tra bod grantiau annigonol a chyfleoedd gwaith rhan-amser anghyfartal yn creu rhwystrau pellach. Mae hyn yn taro’n anghyfartal y rhai o gefndiroedd incwm isel, gan waethygu straen ac effeithio’n uniongyrchol ar eu perfformiad academaidd a’u lles cyffredinol.

Yn olaf, mae teimlo fel nad ydych chi’n cael eich gweld na’ch clywed yn effeithio ar lawer o fyfyrwyr. Nid yw pawb yn teimlo ei fod yn cael ei gynrychioli nac yn cael ei gynnwys. Rhaid rhoi blaenoriaeth i feithrin ymdeimlad cryfach o berthyn a chreu llefydd diogel, cynhwysol ar gyfer grwpiau sydd heb gynrychiolaeth ddigonol, megis myfyrwyr anabl, myfyrwyr LHDTC+, a’r rhai o gefndiroedd lleiafrifoedd ethnig.

Pa nodweddion personol fyddech chi'n eu cyfrannu at y rôl?

Dwi’n fyfyriwr ôl-radd ag anabledd gorfforol sydd hefyd yn niwroamrywiol ac yn ddeurywiol. Dwi’n meddu ar brofiad uniongyrchol o sut effaith mae polisïau yr undeb a’r brifysgol yn ei chael ar fyfyrwyr. Mae gennyf i brofiad o redeg cymdeithasau myfyrwyr yn ystod fy ngradd is-radd, ac dwi wedi bod â rhan fawr mewn ymdrechion i wneud i adrannau’r brifysgol newid eu polisïau er gwell.

Beth yw’r 3 mater pennaf sy’n effeithio ar fyfyrwyr? 

Sicrhau fod yr undeb yn cefnogi myfyrwyr LDHTC+ er mwyn sicrhau fod y brifysgol yn parchu eu hawliau i herio amgylchedd cyfreithiol sy’n newid o hyd. Gwella hygyrchedd i fyfyrwyr ag anableddau sy’n cael anawsterau wrth fynd i ystafelloedd dosbarth penodedig ac yn ôl a myfyrwyr niwroamrywiol sydd angen cymorth ychwanegol arnynt. Gwneud i gymorth i fyfyrwyr weithio’n well i’r holl fyfyrwyr

Pa nodweddion personol fyddech chi'n eu cyfrannu at y rôl?

Dof i â sgiliau cyfathrebu i’r swydd, gyda’r gallu i gyfleu gwybodaeth yn glir, cysylltu ag ystod o unigolion a grwpiau ac i ddadlau dros achos myfyrwyr y brifysgol.

Mae gennyf i sgiliau trefnu cryf a gallaf reoli sawl prosiect, digwyddiad, a chyfrifoldeb ar y cyd tra’n sicrhau cyrraedd terfynau amser a bod fy ngwaith o’r safon uchaf.Galla’ i wrando’n astud a deall profiadau a heriau amrywiol myfyrwyr. Creda’ i y bydd hyn, yn ogystal ag empathi naturiol, yn caniatáu i fi ennill ymddiriedaeth a darparu man cefnogol i fyfyrwyr geisio cyfarwyddyd.

Dwi’n chwaraewr tîm cryf, gyda’r hyblygrwydd i addasu fy nhriniaeth o bob prosiect tîm ar sail anghenion a deinamig y tîm, gan sicrhau fod prosiectau yn llwyddo ac yn cael eu cwblhau mewn pryd.

Beth yw’r 3 mater pennaf sy’n effeithio ar fyfyrwyr? 

1. Caledi ariannol a gwelededd yr adnoddau ar gael i helpu gyda rheoli arian, yn ogystal ag argaeledd a gwelededd ffynonellau cymorth, cymorth gyda chaledi ariannol a chyngor ar sut i reoli arian.

2. Llesiant myfyrwyr ac iechyd meddwl, yn arbennig o ran gor-bryder, iselder, a straen, yn ogystal â hygyrchedd gwasanaethau a gwybodaeth fewnol ac allanol fel ei gilydd.

3. Hygyrchedd a llety - hygyrchedd yn y brifysgol a’r adnoddau ar gael, cymorth ynghylch llety a deall y gwasanaethau cymorth a’r adrannau academaidd ynglŷn llety addas.

Dwi’n teimlo’n gryf am gefnogi llesiant myfyrwyr a fy nod yw gwrando ar fyfyrwyr a dadlau dros achos llesiant myfyrwyr ar draws y campws.

Pa nodweddion personol fyddech chi'n eu cyfrannu at y rôl?

Dwi’n cydnabod yn llwyr pwysigrwydd croestoriadedd ym mhob agwedd ar fywyd ac yn hoffi sicrhau bod pawb yn cael y cyfle i’w lais gael ei glywed. Dwi hefyd yn teimlo’n gryf iawn ynghylch gwaith sy’n ymwneud â gwella lles eraill, ac dwi’n hyderus y byddwn yn tynnu ar yr angerdd hwnnw i helpu gyrru gwneud newid. Dwi’n ymfalchïo’n fawr mewn canolbwyntio ar atebion, gan roi blaenoriaeth i gymorth rhwystrol ar gyfer digwyddiadau posibl yn y dyfodol, tra hefyd yn cadw amynedd i’r rhai sydd angen cefnogaeth ar y pryd. A finnau’n swyddog Myfyrwyr Traws ac Anghydffurfiol eu Rhywedd eleni, mae gennyf i eisoes rywfaint o brofiad o fewn yr Undeb, sy’n golygu fy mod eisoes yn deall sut mae ymgyrchoedd a digwyddiadau’n cael eu rhedeg. Dwi wedi ymrwymo i sicrhau bod pob myfyriwr/wraig yn teimlo bod digon o gymorth ar gael iddynt ac y caiff eu pryderon eu clywed, yn enwedig y rhai mewn cymunedau ymylol.

Beth yw’r 3 mater pennaf sy’n effeithio ar fyfyrwyr? 

Mae llawer o fyfyrwyr yn tueddu i deimlo nad yw eu llais yn cael ei glywed, ac felly nid ydynt yn trafferthu codi unrhyw bryderon sydd ganddynt. Mae’n bwysig bod myfyrwyr yn deall nid yn unig y gall eu lleisiau a’u pryderon gael eu clywed, ond y dylent gael eu clywed.

Mae’r argyfwng costau byw yn parhau i effeithio’n sylweddol ar fyfyrwyr ac, er bod Aber yn cynnig mwy o gymorth nag llawer o brifysgolion, gellid gwneud mwy i gefnogi’r myfyrwyr hynny sy’n dioddef fwyaf.

Mae cymorth iechyd meddwl yn parhau i fod yn rhwystr mawr nad yw llawer o fyfyrwyr yn gallu ei oresgyn. Mae rhestrau aros yn ddiddiwedd ac does dim symud ar y stigma. Mae’n bwysig i fyfyrwyr allu cael gofal a chymorth digonol ar gyfer unrhyw heriau iechyd meddwl.

Pa nodweddion personol fyddech chi'n eu cyfrannu at y rôl?

Nid yw camu i waith Swyddog Llesiant Myfyrwyr yn ymwneud â dal teitl yn unig; mae wnelo â bod y person y gall rhywun droi ato pan aiff pethau’n ormod. Do’ i ag ymdeimlad go iawn o empathi ac agosatrwydd, gan sicrhau fod unrhyw fyfyriwr - waeth beth fo ei gefndir - yn teimlo’n gyfforddus i ddod ataf i gael sgwrs. Dwi’n credu’n gryf mai gwrando’n astud yw gwraidd cymorth, a bydda’ i’n darparu man heb feirniadaeth i bawb wirioneddol gael ei glywed.

Tu hwnt i wyneb gyfeillgar, do’ i â’r gwytnwch a’r dyfalbarhad sydd eu hangen arnom ar y lefelau uchaf. Dydw’i ddim ofn bod yn llais dyfalbarhaol mewn cyfarfodydd er mwyn sicrhau fod adnoddau yn hygyrch, ac nid dolen ar wefan yn unig. Dwi’n drefnus, gweithgar, ac wedi ymrwymo i feithrin diwylliant campws lle caiff gofalu am iechyd meddwl ei drin â’r un pwysigrwydd â marciau.

Beth yw’r 3 mater pennaf sy’n effeithio ar fyfyrwyr? 

Ar hyn o bryd, mae tri phwys mawr sy’n aml heb eu hystyried yn pwyso ar y profiad myfyriwr.

1. Yn gyntaf, mae niwed yr argyfwng costau byw; mae’n anodd ffocysu ar radd pan fyddwch chi’n poeni yn ddi-baid am swyddi a chyfleoedd, talu rhent, neu osgoi prydau er mwyn rhygnu byw.

2. Yn ail, mae pwysau llethol gorlethu academaidd Rydyn ni’n byw mewn diwylliant “di-stop” lle mae’r pwysau i fod yn berffaith a sicrhau’r swydd ddelfrydol yn peri cylch llethol a phryder sy’n ymddangos yn amhosib ei dorri.

3. Yn olaf, mae unigedd yn rhemp Hyd yn oed ar campws prysur, hawdd yw teimlo’n unig neu nad oes lle i chi, yn enwedig i fyfyrwyr rhyngwladol neu niwroamrywiol. Mae gwneud ffrindiau yn blino person wrth setlo mewn i le gwahanol.

Fy nod yw mynd i’r afael benben â’r rhain gan ddadlau dros well gyfleoedd cymorth ariannol, mwy o rwydi diogelwch academaidd hyblyg, a mannau cymunedol go iawn lle gall pawb deimlo ei fod yn perthyn.

Pa nodweddion personol fyddech chi'n eu cyfrannu at y rôl?

Dwi’n wrandawraig astud, sy’n caniatáu i fi gynrychioli pryderon myfyriwr, fel ei fod yn cael ei gyfeirio at y ffynhonnell gymorth berthnasol. Fel myfyrwraig ryngwladol, dwi’n gwerthfawrogi fod i lesiant sawl haen ac nad oes ateb sy’n addas i bawb. Dyma ymwybyddiaeth sy’n bwysig, yn fy marn i, wrth gynrychioli unrhyw gymuned, gan fod rhaid i arweinwyr newid gofleidio y gwahaniaethau a geir yn y grwpiau y maen nhw’n eu cynrychioli er mwyn deall eu hanghenion orau.

Gallaf ddod â phobl at ei gilydd i gyflawni nod dymunol. Byddai hyn yn hyrwyddo meithrin cymuned wedi’i gwreiddio mewn llesiant. Mae gwneud argraff hefyd yn ymwneud â deall fy nherfynau a dibynnu ar y nodweddion y mae eraill yn dod â nhw i gyflawni nod cyffredin. Yn ngeiriau’r cymunedau Bantu, “Ubuntu” - “Dwi’n bod oherwydd ein bod”.

Beth yw’r 3 mater pennaf sy’n effeithio ar fyfyrwyr? 

Iechyd meddwl - mae myfyrwyr yn dioddef mewn tawelwch ac yn amlach na pheidio, dydyn nhw ddim yn teimlo y gallan nhw godi hyn mewn rhai llefydd. Maen nhw’n mynd i’r afael â therfynau amser, modiwlau heriol ac amgylchiadau arbennig sy’n cael effaith ar eu gallu i weithio hyd eithaf eu gallu.

Iechyd meddwl - mae myfyrwyr yn dioddef mewn tawelwch ac yn amlach na pheidio, dydyn nhw ddim yn teimlo y gallan nhw godi hyn mewn rhai llefydd. Maen nhw’n mynd i’r afael â therfynau amser, modiwlau heriol ac amgylchiadau arbennig sy’n cael effaith ar eu gallu i weithio hyd eithaf eu gallu.

Testun pryder mawr yw cael hyd i waith. Mae sicrwydd gwaith yn aml yn caniatáu mathau eraill o ryddid ee mwynhau cymdeithasu a thrafaelio. All rhai myfyrwyr ddim cynllunio teithio yn lleol, yn rhanbarthol neu yn rhyngwladol gan y byddai’n well ganddynt sicrhau swydd ac arbed arian na gwneud y pethau maen nhw wrth eu boddau’n eu gwneud yn yr hir dymor.

Mae angen taer am sicrwydd ariannol, sy’n gyrru myfyrwyr i dderbyn swyddi anhygyrch, amgylchiadau gwaith gelyniaethus neu gyflogwyr anghyfeillgar yn y dref, a gaiff effaith, yn ei dro, ar eu gallu i fod yn iach a hapus.

Pa nodweddion personol fyddech chi'n eu cyfrannu at y rôl?

Heia, Tomos ‘dwi! Dwi’n sefyll i fod yn Gadeirydd yr Undeb! Byddwn yn dod â thegwch, amynedd, a sgiliau gwrando cryf i’r swydd. Dwi’n mwynhau arwain trafodaethau, ond dwi’n gwerthfawrogi gwrando’n fwy fyth, a bydda’ i bob tro yn sicrhau fod pawb yn cael y cyfle i rannu ei farn, is-raddedigion ac ôl-raddedigion fel ei gilydd. 
 Dysgodd fy mhrofiad i fi, fel cadeirydd ar undeb myfyrwyr fy ngholeg, sut mae undeb yn gweithio a pha mor bwysig yw sefyll dros fyfyrwyr. Mae fy ngwaith gydag elusennau a sefydliadau cymunedol wedi fy helpu i feithrin sgiliau mewn trefnu, cefnogi pobl, a magu partneriaethau cadarnhaol. Dyma’r sgiliau a fydd o fudd i fi wrth redeg y Senedd yn rhwydd a sicrhau fod llais y myfyrwyr yn cael ei glywed! 
 Pan fydd raid gwneud penderfyniadau, dydw’i ddim ar fy mhen fy hun; af ati i siarad â’r rheiny yr effeithir arnynt, a sicrhau fod eu syniadau yn llywio’r canlyniad. Gan fod cyfarfodydd y Senedd yn agored, hoffwn i eu gwneud yn fan mwy agored a chroesawus lle gall myfyrwyr deimlo’n gyfforddus i gymryd rhan. 
 Yn gyffredinol, dwi eisiau magu Aber fwy cynhwysol, cefnogol lle caiff pob llais ei glywed, ei werthfawrogi, a’i groesawu!

Beth yw’r 3 mater pennaf sy’n effeithio ar fyfyrwyr? 

Y tri phrif mater rwy’ am fynd i’r afael â nhw yw diogelwch, ennyn cyfranogiad, a fforddadwyedd. Yn gyntaf, mae arnom angen am Aber saff, heb sbeicio diodydd. Dylai myfyrwyr gael teimlo’n hyderus ar noson allan, felly dwi am weithio gyda lleoliadau, yr Undeb a’r Brifysgol i wella atal, adrodd, a chefnogaeth. 
 Yn ail, mae eisiau denu mwy i’r Senedd arna’ i. Mae gormod o fyfyrwyr heb ddealltwriaeth o’r hyn mae’r Senedd yn ei wneud, neu sut mae cymryd rhan. Fe weithia’ i i wneud cyfarfodydd yn fwy hygyrch a chroesawus, a’u hysbysebu’n well, fel bod myfyrwyr yn teimlo’n hyderus i gymryd rhan a llywio penderfyniadau. 
 Yn olaf, mae rhaid i’r campws fod yn rhatach. Gyda chostau ar gynnydd, mae myfyrwyr yn ei chael hi’n anodd gyda bwyd, rhent a hanfodion. Dwi eisiau pwyso am gefnogaeth gliriach, gwell wasanaethau, a chamau ymarferol sy’n gwneud eich bywyd bob dydd yn llai drud.

Pa nodweddion personol fyddech chi'n eu cyfrannu at y rôl?

Dwi’n berson gweithgar ac angerddol tuag at yr iaith sy’n nodweddion hanfodol bwysig ar gyfer y rôl.

Beth yw’r 3 mater pennaf sy’n effeithio ar fyfyrwyr? 

Pwysau costau byw a thrafferthion ariannol - Mae tua 1 o bob 10 myfyriwr yn defnyddio banciau bwyd oherwydd costau tai, sydd ddim yn dderbyniol.

Problemau iechyd meddwl a lles - Adroddodd 122,500 o fyfyrwyr y DU cyflwr iechyd meddwl yn 2023/24, felly mae’n rhaid ei daclo.

Cyrhaeddiad addysgol ac anghydraddoldeb - Yn benodol i fyfyrwyr Cymraeg. Does gan y Brifysgol ddim syniad pa mor anodd gall hi fod i wneud gradd yn dy ail iaith (drwy’r Saesneg). Mae’n rhaid eu gneud yn ymwybodol o’r trafferthion hyn, ynghyd a denu sylw at ansawdd wael yr addysg cyfrwng Cymraeg mewn rhai adrannau.

Pa nodweddion personol fyddech chi'n eu cyfrannu at y rôl?

Dwi’n frwd iawn dros yr amgylchedd ac ecoleg, yn meddu ar ddealltwriaeth o’r heriau amgylcheddol rydyn ni’n eu hwynebu, a gallaf dynnu ar syniadau ar sut i fynd i’r afael â nhw. Ar ben hynny, af ati i holi barn y myfyrwyr, a defnyddio hyn at bledio achos dros fwy o weithredu dros yr amgylchedd. Trwy roi’r man hwn i fyfyrwyr, fe gredaf y gallwn gyflawni llawer.

Beth yw’r 3 mater pennaf sy’n effeithio ar fyfyrwyr? 

Byddaf yn ymgyrchu dros ddiffodd mwy o olau ar y campws pan na fydd ystafelloedd yn cael eu defnyddio. Bydd hyn o fudd i gyllid y brifysgol, tra hefyd yn helpu gwella arferion cynaladwyedd amgylcheddol Prifysgol Aberystwyth.

I annog mwy o ailgylchu, byddaf yn ymdrechu i gael peiriannau, a fydd yn caniatáu i fyfyrwyr ailgylchu gwydr, metel, a phlastig yn gyfnewid am fynediad i gystadlaethau/tocynnau. Hefyd, byddaf yn pwyso am well wahanu ailgylchu a gwastraff cyffredinol, ar gyfer biniau dan do a’r tu allan.

Byddaf yn awgrymu i becynnau bwyd mwy cynaliadwy amgylcheddol gael eu defnyddio yn Undeb y Myfyrwyr, a’r campws ehangach.

Pa nodweddion personol fyddech chi'n eu cyfrannu at y rôl?

Mae’r amgylchedd ar flaen fy meddwl ers erioed, a hynny’n cael ei gynrychioli yn fy ngwaith gwirfoddol gydag amryw o ymddiriedolaethau megis yr RSPB a’r Ymddiriedolaeth Natur. Dwi’n siaradwr hyderus a hynny i’w weld wrth i fi ddysgu 20-30 plentyn awyddus gyda thîm mewn labordy gwyddonol fel fy swydd y tu allan i’r Brifysgol. Mae gennyf i sgiliau trefnu gwych trwy drefnu digwyddiadau i godi arian at CBUK a Gwarchodfa Natur Jacksons, gan brofi y galla’ i drefnu digwyddiadau i godi ymwybyddiaeth o elusennau lleol a materion amgylcheddol. Un cyfeillgar fy natur ‘dwi sy’n ei gwneud hi’n hawdd i fi feithrin cysylltiad gydag unrhyw un.

Beth yw’r 3 mater pennaf sy’n effeithio ar fyfyrwyr? 

1. Iechyd meddwl, yn enwedig yn ystod cyfnod yr arholiadau – oedi wrth wneud dim, straen, hunanamau, gor-bryder ac iselder.

2. Poenau ariannol nad yw pawb yn teimlo y gall ei drafod yn agored.

3. Diffyg hunanhyder i’ch bwrw eich hun i gymdeithasau newydd a chwrdd â phobl newydd ar eich pen eich hun a gall hynny waethygu hiraeth. Mae modd cefnogi’r holl faterion hyn a chodi ymwybyddiaeth yn eu cylch fel nad yw pobl yn teimlo’n unig wrth wynebu’r heriau hyn.

Pa nodweddion personol fyddech chi'n eu cyfrannu at y rôl?

Dwi’n anneuaidd (ei/nhw), yn ddeurywiol ac yn rhan weithgar o’r gymuned LHTDC+ ers blynyddoedd a finnau yn ymgyrchu dros fynnu i’n hawliau gael eu clywed ers erioed Dwi’n rhedeg y Gymdeithas Falchder ers blwyddyn bellach, ac dwi’n gweithio â grwpiau lleol yn ddiweddar (Prosiect LUNA yn benodol) i gyfeirio myfyrwyr ato ar gyfer cymorth ychwanegol ond hefyd ar gyfer digwyddiadau codi arian ac ymgyrchu hy ar gyfer Diwrnod Cofio Pobl Draws (20 Tachwedd) ond hefyd ynghylch deddfwriaeth megis y gwaharddiad diweddar ar doiledau oddi wrth y llys.

Beth yw’r 3 mater pennaf sy’n effeithio ar fyfyrwyr? 

Iechyd meddwl - mae hi’n llym ar fyfyrwyr, ac yn enwedig ar fyfyrwyr LHDTC+ Mae pwysau gwaith prifysgol yn prysur bentyrru Heb sôn yn olaf am lety, bydda’ i’n clywed yn gyson fod myfyrwyr yn poeni am lety a’i fod yn eu cadw ar ddi-hun ac yn dwyn eu sylw oddi ar fwynhau’r brifysgol.

Pa nodweddion personol fyddech chi'n eu cyfrannu at y rôl?

Byddai’r sbardun sydd ynof i wneud newid, fy sgiliau cyfathrebu, fy natur empathetig, a fy ffeministiaeth o fantais ac yn cael eu gwella trwy ddod yn swyddog y menywod, gan y byddai’r rhain oll yn angenrheidiol a buddiol iawn ar gyfer amlygu materion y mae menywod yn eu hwynebu yn y Brifysgol a gweithio tuag at wella’r profiadau hyn.

Beth yw’r 3 mater pennaf sy’n effeithio ar fyfyrwyr? 

Gellid dadlau mai cynwysoldeb, arian a diogelwch yw’r tri phrif fater sy’n cael effaith ar fyfyrwyr, gan y gall rhain oll wneud y gwahaniaeth rhwng ffynnu neu ddifetha profiad rhywun yn y brifysgol. Oherwydd hyn, mae’n bwysig fod y rheiny sydd mewn safle o rym yn cadw bywyd myfyriwr yn saff, cynhwysol a fforddiadwy.

Pa nodweddion personol fyddech chi'n eu cyfrannu at y rôl?

Dwi’n gryf, ond yn bwyllog wrth leisiau’r problemau a’r atebion sydd o bwys i fi, ac dwi’n ddyfalbarhaus wrth sicrhau ateb i’r problemau hynny a bod yr atebion hynny yn cael eu gweithredu. Dwi’n selog dros hawliau menywod, a dros amddiffyn menywod yn enwedig ym maes addysg. Dwi wedi ymrwymo yn llwyr i ymchwilio a deall y problemau sy’n dod i law, gan sicrhau fy mod i’n mynd i’r afael mor effeithiol ac effeithlon â phosib. Dwi’n ceisio bod yn wrandäwraig astud pan fo angen, fel y gall y rheiny sy’n siarad â fi deimlo’n gyfforddus a’u bod yn cael eu clywed. Galla’ i wrando ar adborth a’i gydnabod, ac asesu y ffordd rwy’n integreiddio adborth yn fy ymdrechion yn y dyfodol.

Beth yw’r 3 mater pennaf sy’n effeithio ar fyfyrwyr? 

Tra bod Aberystwyth, gan gynnwys ei phrifysgol, yn lle saff a chynhwysol iawn i fenywod, mae heriau yn ymwneud â thrais ar sail rhywedd yn dal i ddigwydd o hyd. O siarad â myfyrwyr a ffrindiau eraill, mae menywod yn dal i brofi aflonyddu a (er yn brin) sbeicio ar nosweithiau allan. Yn ôl yr adroddiad ar gydraddoldeb ar gyfer 2023-2024, roedd 9.5% o’r myfyrwyr a dynnodd yn ôl o’r brifysgol yn draws (sef 4.3% o gynnydd ers y flwyddyn gynt). Mae menywod traws a dynion traws yn dioddef o gasineb at wragedd, a hoffwn i fynd i’r afael ag unrhyw faterion sy’n cael effaith ar brofiad myfyrwyr traws yn Aberystwyth. Yn yr un modd, dylid bob tro ymdrechu i dynnu menywod i mewn i STEM, hyd yn oed os nad prif ffocws eu haddysg ydyw, ac dwi’n credu bod menywod yn dal i gredu nad oes anogaeth iddynt ddilyn trywydd STEM hyd yn oed fel gweithgarwch tu allan i’w cyrsiau.

Pa nodweddion personol fyddech chi'n eu cyfrannu at y rôl?

Mae Ava a Tasha yn teimlo’n angerddol am hawliau menywod a gwella bywyd i fenywod. Mae Ava yn gweithio tuag at fynd yn OBGYN ac yn arbenigwraig ar iechyd menywod a Tasha yw swyddog y menywod presennol, mae wedi bod yn gweithio tuag at ymgyrch gwrth-sbeicio diodydd a bydd yn parhau â hyn.

Beth yw’r 3 mater pennaf sy’n effeithio ar fyfyrwyr? 

- Mater blaenllaw yw sbeicio - Arian, fe wyddem i gyd y gall fod yn anodd ffynnu yn y Brifysgol gyda’r arian a roddir i ni.
 - Iechyd Meddwl

Pa nodweddion personol fyddech chi'n eu cyfrannu at y rôl?

Dwi’n fyfyriwr ôl-radd ag anabledd gorfforol sydd hefyd yn niwroamrywiol. Mae gennyf i brofiad o sut mae rhaid i anghenion ychwanegol myfyrwyr anabl gael eu diwallu a sut mae’r brifysgol yn rhyngweithio gyda ni.

Beth yw’r 3 mater pennaf sy’n effeithio ar fyfyrwyr? 

Gwella dibynadwyedd y lifftiau a sicrhau fod amserlennu yn deall anghenion symudedd myfyrwyr er mwyn sicrhau fod pob myfyriwr yn gallu cael mynediad Sicrhau fod myfyrwyr niwroamrywiol yn cael y cymorth sydd ei angen arnynt. Sicrhau y caiff hawl cyfreithiol pob myfyriwr i gydraddoldeb ei barchu.

Pa nodweddion personol fyddech chi'n eu cyfrannu at y rôl?

Gonestrwydd, Profiad, Ymdrech

Beth yw’r 3 mater pennaf sy’n effeithio ar fyfyrwyr? 

Mynediad gwael, Pryder ynghylch yr amgylchedd a dirywiad amgylcheddol Marchnata diwylliannol

Pa nodweddion personol fyddech chi'n eu cyfrannu at y rôl?

Dwedwn i fy mod i’n agored fy meddwl ac yn hoff o siarad gyda phobl. Byddai’r nodweddion, yn fy marn i, yn werthfawr ac yn addas i’r safle gan y byddwn yn gwneud pobl yn gartrefol a chysylltu â nhw, gan obeithio i’w galluogi i deimlo’n gyfforddus a siarad yn agored am eu profiadau eu hun.

Beth yw’r 3 mater pennaf sy’n effeithio ar fyfyrwyr? 

Unigrwydd, Datgysylltiad a Pherthyn. Mae bod yn berson o liw mewn gwlad â mwyafrif croenwyn fel arfer yn golygu eich bod chi’n wahanol. Mae pawb eisiau ffeindio ei le, a theimlo ei fod yn perthyn, a gallaf uniaethu â’r frwydr o bontio’r rhaniad diwylliannol hwnnw. Fel cynrychiolydd DALlE, fy ngobaith fyddai rhoi ar ddeall fod croeso i bawb a gobeithio eu bod yn teimlo allan o le ychydig yn llai.

Pa nodweddion personol fyddech chi'n eu cyfrannu at y rôl?

Down i ag empathi, dibynadwyedd, a sgiliau cyfathrebu cryf ar draws diwylliannau i waith y Swyddog Myfyrwyr Rhyngwladol. Fel un sy’n deall heriau addasu i amgylchedd academaidd a chymdeithasol newydd, dwi’n amyneddgar, agos-atoch, ac yn sylwgar i anghenion unigolion. Dwi’n hynod drefnus a chyfrifol, sy’n caniatáu i fi reoli gwybodaeth yn fanwl a chefnogi myfyrwyr yn effeithiol. Dwi’n gwerthfawrogi cynhwysiant ac yn gwrando’n astud ar wahanol safbwyntiau, gan sicrhau fod myfyrwyr rhyngwladol yn teimlo eu bod yn cael eu clywed, eu parchu, a’u cefnogi. Yn ogystal â hynny, dwi’n weithgar ac mae fy ffocws ar atebion, byddaf bob tro yn fodlon ceisio cyngor neu gydweithio gydag eraill i ateb materion. Gydag ymagwedd gadarnhaol ac ymrwymiad go iawn i lesiant myfyrwyr, fy nod yw meithrin amgylchedd croesawus a chefnogol i’r holl fyfyrwyr rhyngwladol.

Beth yw’r 3 mater pennaf sy’n effeithio ar fyfyrwyr? 

Costau Byw a Phwysau Ariannol Iechyd Meddwl a Llesiant - fel prifysgolion lawer yng Ngwledydd Prydain, mae myfyrwyr yn wynebu straen a phwysau iechyd meddwl yn deillio o faich gwaith academaidd, unigrwydd, a rheoli arian. Mae gwasanaethau cymorth i’w cael, ond bod galw mawr ac mae rhai myfyrwyr yn sôn am heriau wrth gael gafael ar help prydlon.
 Adnoddau Llyfrgell ac Astudio - Mae myfyrwyr wedi codi pryderon ynghylch lleihau oriau mewn llefydd astudio allweddol sef Llyfrgell Hugh Owen, a all gael effaith ar drefn astudio a pherfformiad academaidd.

Pa nodweddion personol fyddech chi'n eu cyfrannu at y rôl?

Mae gennyf i brofiad fel myfyriwr wedi’i ymddieithrio oddi wrth ei deulu ac fel un sydd wedi gadael gofal, gan wynebu anawsterau oherwydd y ddau beth (gydag addysg a phrofiadau gyda fy awdurdod lleol). Byddwn yn dadlau dros fuddiannau pob myfyriwr annibynnol, yn y brifysgol ac wrth sefydliadau eraill. Gan dynnu ar y profiadau ges i, byddaf yn sicrhau na fydd yr un llais annibynnol yn mynd heb ei glywed. Byddwn hefyd yn gweithio i greu cymdeithasau a rhwydweithiau er mwyn sicrhau fod gennym ffyrdd o rannu profiadau a gwybod nad ydyn ni ar ein pennau ein hunain.

Beth yw’r 3 mater pennaf sy’n effeithio ar fyfyrwyr? 

1) I fyfyrwyr yn gyffredinol, mae arian yn fater mawr. Byddwn yn fan cyswllt i’n helpu ni a myfyrwyr sy’n cael eu cefnogi gan eu teuluoedd i gael mynd at y cymorth y maen nhw’n haeddu ei gael.

2) I bob myfyriwr, (er myfyrwyr annibynnol yn arbennig) dwi’n cydnabod wrth fy mhrofiad innau fod iechyd meddwl yn fater enfawr. Byddwn yn gweithio i roi pobl ar ben y ffordd tuag at y cymorth iawn, yn ogystal â gweithio gyda’r brifysgol i amlygu’r materion y mae myfyrwyr annibynnol yn eu hwynebu o ddydd i ddydd.

3) Diffyg cydnabyddiaeth - gall myfyrwyr annibynnol wynebu llawer o faterion nad yw’n cael eu cydnabod gan y boblogaeth ehangach. Byddwn yn gweithio’n ddi-flin er mwyn sicrhau fod y brifysgol a’r boblogaeth fyfyrwyr yn cydnabod, gwerthfawrogi, a chefnogi y brwydrau rydyn ni’n eu hwynebu.

Pa nodweddion personol fyddech chi'n eu cyfrannu at y rôl?

Dwi’n teimlo’n gryf am fy ngwaith a fy nod yw gweithio’n ddiwyd er mwyn sicrhau bod eich buddiannau yn cael eu cynrychioli.

Beth yw’r 3 mater pennaf sy’n effeithio ar fyfyrwyr? 

Costau byw
 Newid i fywyd wedi’r Brifysgol
 Unigrwydd

Pa nodweddion personol fyddech chi'n eu cyfrannu at y rôl?

Dwi’n hyderus wrth siarad yn gyhoeddus, addysgu a dadlau achos dros y gymuned Draws+, yn ganlyniad i’m swydd fel Llysgennad ‘Just Like Us’, ac fe af ati i dynnu ar y profiad hwn gyda brwdfrydedd. Byddaf yn manteisio ar fy nghyfrifoldebau presennol at ehangu’r ystod o gymorth a gwybodaeth sydd ar gael i fyfyrwyr. Byddaf hefyd yn rhagweithiol wrth ateb cwestiynau ac yn ymdrechu i ddarparu’r atebion gorau posibl.

Beth yw’r 3 mater pennaf sy’n effeithio ar fyfyrwyr? 

Mae pob myfyriwr yn wynebu anawsterau ariannol, ac yn arbennig myfyrwyr Traws+ y mae angen cael gafael ar gynhyrchion cadarnhau rhywedd arnynt, a all fod yn faich ychwanegol. Hoffwn barhau â’r cynllun Yma a Thraws a sicrhau arian pellach ar ei gyfer, neu gymryd rhan mewn gweithgarwch codi arian fel bod yr arian yn parhau i fod ar gael o hyd i’r rheiny sydd ei angen.
 Mae myfyrwyr hefyd yn ansicr ynghylch pa glybiau a chymdeithasau sydd wirioneddol yn fannau diogel, ac yn aml maen nhw’n dibynnu ar hen straeon. Fy nod fydd cefnogi clybiau i gynhyrchu dogfen dryloywder sy’n cynnwys polisïau presennol eu Corff Llywodraethu ar athletwyr, ynghyd â’r hyn y maent yn ei wneud i gefnogi unigolion (e.e. a yw’r ystafelloedd newid yn rhai unigol neu a oes cystadlaethau categori cymysg ar gael). Ar draws y brifysgol, mae’n anodd dod o hyd i’r adeg iawn i gychwyn cywiro aelodau o staff wrth gael ein camryweddu. Yn aml, dyw cywiro hyn yn gyhoeddus neu ar y pryd ddim yn briodol, ac mae modd i straen rwystro person rhag cywiro’n breifat, ar ôl darlith neu drwy e-bost. Byddwn yn bwriadu gweithredu system i rannu’r wybodaeth hon yn gwrtais, ynghyd â gwybodaeth am pam y mae cadarnhau rhywedd yn y gweithle yn bwysig.

Pa nodweddion personol fyddech chi'n eu cyfrannu at y rôl?

Dwi wedi ymrwymo i wella’r profiad myfyriwr o fewn adrannau y Dyniaethau. Fel myfyrwraig ym mlwyddyn olaf fy ngradd is-radd mewn Ieithoedd Modern (Almaeneg a Sbaeneg) a myfyrwraig ymchwil MPhil uchelgeisiol o fewn yr un adran, dwi wedi cael llawer o brofiad gyda’r Dyniaethau ym Mhrifysgol Aberystwyth ac yn ystod y cyfnod hwn, mae’r staff a’r myfyrwyr sy’n angerddol dros eu maes wedi ennyn parch mawr gennyf i yn ogystal â meithrin y cariad sydd gennyf at y pwnc rwy’n ei astudio fy hun ac at ddisgyblaeth y Dyniaethau yn gyffredinol. Gyda’r amryw o raddau yn y Dyniaethau a’r celfyddydau yn diflannu yn y Deyrnas Unedig, dwi am helpu amddiffyn y maes rwy’n teimlo’n gryf amdano a sicrhau dyfodol iddo gymaint ag y gallaf. Credaf y gallaf fynd ati trwy feithrin amgylchedd cynhyrchiol a chroesawus i fyfyrwyr presennol a darpar fyfyrwyr.

Beth yw’r 3 mater pennaf sy’n effeithio ar fyfyrwyr? 

Mae llawer o fyfyrwyr yn ei chael hi’n anodd gydag iechyd meddwl am sawl rheswm, fel arfer mae i bynciau y Dyniaethau faich gwaith trwm iawn a gall fod yn hawdd mynd ar ei hôl hi os ydych chi’n ei gweld hi’n anodd ac i chi deimlo ar goll ac unig yn sydyn. Dwi am sicrhau fod gan fyfyrwyr systemau cefnogaeth i’w helpu a’u bod yn ymwybodol ohonynt er mwyn rheoli pethau megis straen, gorbryder, ac iselder, a’u bod yn dychwelyd i lle maen nhw eisiau bod arni gyda’u haddysg. Caed llawer o heriau amryw o adrannau yn ddiweddar i gydymffurfio â chyllideb y Brifysgol a’r rheoliadau newydd. Gall y newidiadau hyn beri pryder a phwysau. Dwi’n meddwl y byddai gwella cyfathrebu rhwng myfyrwyr a staff yn lleddfu’r baich oddi ar y ddwy ochr. Gall ymddangos fod llai o obeithion ar gyfer myfyrwyr y Dyniaethau o ran swyddi o gymharu â myfyrwyr STEM, ond nid yw’n wir. Mae arna’ i eisiau hyrwyddo cymorth gyrfa o fewn yr adran.

Pa nodweddion personol fyddech chi'n eu cyfrannu at y rôl?

Dwi’n fyfyriwr gwleidyddiaeth blwyddyn gyntaf sy’n ennill marciau gradd gyntaf ar draws fy modiwlau. Mae gennyf i ddiddordeb mawr yn y modd mae polisi a data yn cysylltu â’i gilydd, ac dwi am ddefnyddio’r safbwynt hwnnw at sicrhau fod ein cyfadran yn wirioneddol yn gweithio er budd. Y tu hwnt i fy astudiaethau, rhaglennydd hunanddysgedig ‘dwi a finnau wedi treulio y flwyddyn ddiwethaf yn adeiladu llwyfan a arweinir gan ddata sy’n olrhain ac yn darogan canlyniadau seneddol y Deyrnas Unedig. Mae hyn wedi fy nysgu am sut i gymryd gwybodaeth gymhleth a’i throi yn rhywbeth defnyddiol, sgil y dof i gydag ef i gynrychioli myfyrwyr. Dwi’n cyfathrebu’n blaen, dwi’n gyfforddus wrth herio y statws quo, ac dwi’n barod i fod yn llais dibynadwy dros bawb yn y Dyniaethau.

Beth yw’r 3 mater pennaf sy’n effeithio ar fyfyrwyr? 

1. Costau Byw vs. Llwyddiant Academaidd: Mae mwyfwy o bwysau ar fyfyrwyr i ddewis rhwng gwaith yn ystod y tymor academaidd a’u hastudiaethau. Gyda benthyciadau cynnal yn methu â dilyn chwyddiant, nid “problem gyllidebu” mo’r pwysau ariannol hyn bellach - mae’n rhwystr rhag ennill gradd ddosbarth cyntaf. 2. Cymorth Llesiant Tameidiog Er bod gwasanaethau i’w cael, bydd troi atynt yn aml yn gymhleth dros ben. Mae’n rhaid i ni symud o “gyfeirio” goddefol i gymorth gweithredol, canolog sy’n blaenoriaethu myfyrwyr sy’n dioddef o orlethu academaidd neu brofedigaeth heb eu gorfodi i fynd trwy’r felin. 3. Y Bwlch Tai a Pherthyn: Mae cael hyd i lety fforddiadwy o ansawdd yn Aberystwyth yn parhau i beri pryder mawr. Nid yw’n ymwneud â rhent yn unig; mae wnelo â sefydlogrwydd. Pan mae myfyrwyr yn poeni am eu sefyllfa fyw, maent yn colli’r gallu i fod yn rhan o fywyd prifysgol, gan beri unigrwydd a chymuned wannach ar y campws.

Pa nodweddion personol fyddech chi'n eu cyfrannu at y rôl?

Fe fanteisia’ i ar  fy mhrofiad o 3 blynedd fel cynrychiolydd academaidd at barhau i weithio gyda’r staff a’r myfyrwyr i ddatrys problemau, gwella cyrsiau ac sicrhau bod pawb yn gallu gwneud y mwyaf o’u profiad yn y brifysgol. Dwi wedi gweld yn uniongyrchol pa mor bwysig yw cydweithio â’r staff a chynrychiolwyr academaidd i fynd i’r afael ag awgrymiadau a phryderon myfyrwyr, ac fe af ati â’r swydd gyda thosturi gan fy mod yn deall yr heriau mae myfyrwyr yn eu hwynebu a sut y gall hyn effeithio ar eu hastudiaethau. Byddaf yn defnyddio’r profiad hwn at ddadlau ar eich rhan, fel bod pawb yn teimlo ei fod yn cael ei gynrychioli a’i glywed.

Beth yw’r 3 mater pennaf sy’n effeithio ar fyfyrwyr? 

Costau byw, diffyg swyddi a chyfleoedd gwaith i ôl-raddedigion, tai a llety.

Byddwn yn gweithio i leddfu straen diangen gan fy mod yn gwybod bod eisoes gan fyfyrwyr lond eu platiau gyda’r materion uchod.  Sicrhau bod terfynau amser asesiadau a briffiau gwaith cwrs yn glir ac yn cael eu rhyddhau mewn pryd, gweithredu fel cynrychiolydd ar ran y rhai sy’n bryderus i godi eu pryderon eu hunain, a brwydro dros fyfyrwyr sy’n teimlo’n ynysig oherwydd prosesau mewnol diffygiol yw rhai o’r ffyrdd y byddwn yn gobeithio cyflawni hyn. Dwi hefyd am bledio dros y rhai sy’n dioddef o’r materion hyn, a’i gwneud yn haws cael mynd at gymorth, yn enwedig pan fydd y rhain yn ymyrryd â’u hastudiaethau academaidd. Yn gyffredinol, fy nod bob amser fydd gwneud pethau’n symlach ac yn llai poenus i’r staff a’r myfyrwyr lle bynnag y bo modd.

Pa nodweddion personol fyddech chi'n eu cyfrannu at y rôl?

Dwi ar hyn o bryd yn Gynrychiolydd Academaidd brwdfrydig ac awyddus dros y gwyddorau, ac dwi wedi ymrwymo i brofiad y myfyrwyr. Mae gennyf sgiliau rhyngbersonol rhagorol, a fy nod yw ymgysylltu â myfyrwyr fel Swyddog cyfeillgar, agos-atoch ac ymroddgar. Byddaf yn ymdrechu i hwyluso perthynas gydweithredol rhwng myfyrwyr a staff Prifysgol Aberystwyth, ac i gynrychioli buddiannau’r myfyrwyr ar bob lefel.
 Dwi’n falch o fy awydd i ymgysylltu â phob adborth gan fyfyrwyr ac i geisio ei weithredu, yn ogystal â fy gallu i gyfathrebu’n uniongyrchol ac yn ystyriol. Os caf fy ethol yn Swyddog Cyfadran y Gwyddorau, fe wnaf bopeth hyd eithaf fy ngallu i eirioli dros y Cynrychiolwyr, y corff myfyrwyr, ac i roi buddiannau pawb sy’n gweithio o fewn yr adrannau gwyddonol wrth wraidd fy ngwaith.

Beth yw’r 3 mater pennaf sy’n effeithio ar fyfyrwyr? 

Ar sail yr adborth ges i oddi wrth fyfyrwyr presennol, yn fy marn i, y prif faterion sy’n cael effaith ar fyfyrwyr yw: 1. Diffyg cyfathrebu clir rhwng y Brifysgol a’r myfyrwyr. 2. Cyfeirio aneffeithiol tuag at yr adnoddau ar gael am anghenion penodol. 3. Adnoddau annigonol ar gyfer myfyrwyr Cymraeg eu hiaith a hoffai gael eu papurau, eu grwpiau tiwtora, eu nodiadau, ayyb yn yr iaith o’u dewis ar draws adrannau. Os nad yw’n rhain yn swnio fel y materion sy’n effeithio arnoch chi, hoffwn glywed gennych i wybod mwy!

Pa nodweddion personol fyddech chi'n eu cyfrannu at y rôl?

Dwi’n ddibynadwy, cyfrifol ac yn gyfathrebwr da.

Beth yw’r 3 mater pennaf sy’n effeithio ar fyfyrwyr? 

Straen ariannol, cydbwyso gwaith (gwaith cwrs neu swydd) ag amser i lesiant personol a phwysau academaidd.