Mwy amdanaf i

Rwy'n dod o Lanfynydd yn wreiddiol, sef pentref bach yn y wlad ger Caerfyrddin. Symudais i Aber tair blynedd yn ôl er mwyn astudio Cymraeg, a gallaf ddweud â hyder mae dyna un o'r penderfyniadau gorau nes i. Dros y tair blynedd yma yn Aber, rwyf wedi taflu fy hun i bob elfen o UMCA, gan arwain fi i fod yn is-lywydd ar bwyllgor UMCA, llywydd pwyllgor y Geltaidd a chydlynydd a chyfeilydd ar bwyllgor Aelwyd Pantycelyn yn fy mlwyddyn olaf. Pan ddaeth y cyfle i sefyll yn etholiadau'r Undeb, roedd hi'n benderfyniad naturiol i mi ymgeisio i fod yn Llywydd UMCA.

I am motivated by...y cyfle i ddysgu pethau newydd a gweithio'n galed bob dydd er mwyn tyfu fel unigolyn. Rwy'n angerddol iawn dros y Gymraeg ac mae cael y cyfle i weithio yn fy mamiaith a roi cyfleoedd i eraill wneud yr un peth yn fy ngyrru i o hyd.

In my personal life I enjoy...canu'r piano a chanu mewn côr, neu weithiau cymysgedd o'r ddau trwy gyfeilio mewn côr. Rwyf hefyd yn byw ar fferm ac felly'n mwynhau treulio amser tu allan a gyda'r anifeiliaid pan rwyf adref.

Ffaith diddorol: Ar y fferm adref, rwyf wedi llwyddo i enwi bob un o'r gwartheg yn unigol!

Bydd myfyrwyr Aberystwyth yn teimlo eu bod yn cael eu clywed a'u cynrychioli. Byddwn yn siarad â myfyrwyr yn rheolaidd er mwyn deall yr heriau y maent yn eu hwynebu, gan sicrhau fod gennym yr wybodaeth sydd ei hangen i'w chyflwyno i'r Brifysgol ac arwain gwaith yr Undeb.

Caiff Modiwlau Cyfrwng Cymraeg eu hysbysebu yn iawn, gan nodi’n glir faint o’r modiwl a wneir yn Gymraeg.

• Trafod gyda myfyrwyr sut effaith a gaiff yr hysbysebion arnynt.
• Adnabod lle mae’r materion.
• Gweithio gyda gwahanol Swyddogion Cymraeg i annog eu cyfranogiad.
• Gweithio gyda’r Coleg Cymraeg i ddiweddaru’r gofynion a’u safoni ar draws Cymru.

Rydym wrthi’n gweithio ar gael gwared ar gerflun Edward VIII.*

----------