Teitl Gwreiddiol: Cyflwyno Pleidlais o Ddiffyg Ffydd ar gyfer Cynrychiolwyr Academaidd ac Aelodau Pwyllgorau Chwaraeon a Chymdeithasau
Pasiwyd gan: Y Senedd
Pasiwyd ar: 01/11/2021
Yn darfod ar: 01/11/2024
Statws: Rydym yn gweithio arno
Crynodeb
Cynnig o ddiffyg hyder ar gyfer cynrychiolwyr a chymdeithasau/clybiau i ddiswyddo cynrychiolydd/aelod pwyllgor os nad yw’r myfyrwyr yn teimlo eu bod yn cael eu cynrychioli.
Manylion
Ar hyn o bryd, nid oes mecanwaith ar waith i ddiswyddo Cynrychiolwyr Academaidd neu Aelodau Pwyllgorau Chwaraeon a Chymdeithasau o’u rôl os nad yw myfyrwyr yn teimlo eu bod yn cael eu cynrychioli’n ddigonol. Rwy’n cynnig ein bod yn defnyddio’r un system sydd ar waith ar gyfer Swyddogion Llawn a Rhan Amser a chreu opsiwn o Bleidlais o Ddiffyg Ffydd. Byddai hyn yn caniatáu cael gwared ar Gynrychiolydd neu Aelod Pwyllgor. Byddai’n rhaid i fyfyriwr gael cefnogaeth gan 5% o aelodau pwyllgor y clwb neu’r cymdeithas / aelodau perthnasol y cwrs i alw am gynnig o ddiffyg ffydd a chael cworwm o 10% o aelodau pwyllgor y clwb neu’r gymdeithas / aelodau perthnasol y cwrs er mwyn dilysu’r bleidlais.
Rwy’n credu y bydd hyn yn gwella atebolrwydd y rolau hyn i fyfyrwyr a rhoi mwy o bwer i fyfyrwyr wrth ddewis pwy sy’n eu cynrychioli.
Cyflwynwyd gan: Elizabeth Manners
Polisi wedi'i ddiweddaru
Manylion
Ar hyn o bryd, mae gennym bolisi pleidlais o ddiffyg hyder ar gyfer cynrychiolwyr academaidd ac aelodau pwyllgor grwpiau myfyrwyr nad yw’n gweithio i grwpiau llai eu maint, oherwydd dim ond 10% o bwyllgor sydd ei angen i’w wneud. Ar gyfer pwyllgor tri pherson, mae hyn yn llai na pherson. Ar ôl gwneud ymchwil i bleidleisiau diffyg hyder grwp myfyrwyr mewn undebau myfyrwyr eraill ledled y DU, dyma bolisi wedi’i ddiweddaru: Os nad yw aelod etholedig o bwyllgor yn cyrraedd y safonau sy’n ofynnol gan y pwyllgor, dylid cymryd y camau canlynol: Dylai aelodau pwyllgor arall gael cyfarfod anffurfiol gyda’r unigolyn i ofyn a ydynt yn cael trafferth gyda’r rôl a beth ellir ei wneud i helpu. Dylai ymdrechion i ddatrys y sefyllfa o fewn y grwp ddigwydd cyn unrhyw ymgais i gyflwyno pleidlais o ddiffyg hyder. Os nad yw’r mater wedi’i ddatrys ar ôl i’r unigolyn gael cyfleoedd i’w unioni, yna dylai’r pwyllgor gysylltu â’r Swyddog Cyfleoedd ( suopportunities@aber.ac.uk ) a/neu eu cydlynydd perthnasol (suclubs@aber.ac. uk susocieties@aber.ac.uk) i drefnu cyfarfod cyfryngu. Bydd y swyddog a’r staff yn chwarae rhan niwtral, a byddant yn hwyluso’r cyfarfod gyda’r nod o ddatrys yr anghydfod. Os na cheir cyfaddawd, yna gellir cychwyn Pleidlais o Ddiffyg Hyder i ddiswyddo aelod o'r pwyllgor. Gall Pleidlais o Ddiffyg Hyder fod yn ofidus i bawb dan sylw a dyma'r cam olaf. Dim ond os na chyrhaeddwyd cyfaddawd y dylai ddigwydd ar ôl ymdrechion cyfryngu. Proses Pleidlais o Ddiffyg Hyder:
Cyflwynwyd gan: Tiff McWilliams
Diweddariadau
| Camau a gymerwyd |
Enw a Rôl |
Dyddiad |
| Rydyn ni wrthi’n rhoi is-ddeddf at ei gilydd a fydd yn cyflwyno’r syniad o bleidleisiau o ddiffyg hyder i Gynrychiolwyr Academaidd ac Aelodau Pwyllgorau a chynhelir pleidlais drosto mewn Senedd yn y dyfodol neu yn y Cyfarfod Cyffredinol |
Anna (Materion Academaidd 2023-24) |
Tachwedd 2023 |
|
Pan na fydd cynrychiolydd yn gweithredol, gall yr Undeb ofyn i rywun arall gamu i’r adwy. Yn achos bwlio cysylltiedig â chynrychiolydd, defnyddir gweithdrefn gwynion yr Undeb. Yr un fydd y weithdrefn ar gyfer aelodau pwyllgor ond y Swyddog Llawn Amser a’r rheolwr perthnasol fydd yn cadw golwg arni.
|
Anna (Materion Academaidd 2023-24) |
Mehefin 2024 |
| Mae'r Adran Cyfleoedd wedi adolygu'r adborth o'r Cyfarfod Cyffredinol Blynyddol ac wedi diwygio'r polisi yn unol â hynny. Gweler y ddogfen atodedig ar gyfer y polisi wedi'i ddiweddaru, sy'n mynd i'r afael â chwestiynau fel pa mor aml y gellir galw pleidlais o ddiffyg hyder ar unigolyn. |
Tiff (Cyfleoedd Myfyrwyr 2023-2024) |
Mehefin 2024 |
| Mae'r Swyddog Cyfleoedd a'r Swyddog Lles hefyd wedi bod yn adolygu'r Cod Ymddygiad. Bydd y diweddariadau hyn yn cael eu hystyried mewn perthynas â phleidlais o ddiffyg hyder. |
Tiff (Cyfleoedd Myfyrwyr 2023-2024) |
Mehefin 2024 |
Mae croeso i chi gysylltu â ni os oes ddiddordeb mewn dysgu mwy ynghylch y polisi hwn