Mentora Cyfoedion yn Adrannau

------------------------------------------------------------------------------------------------------------------------------------------------------------

MENTORA CYFOEDION YN ADRANNAU ABERYSTWYTH

Ymunwch â thîm mawr o fentoriaid myfyrwyr i helpu myfyrwyr newydd ar eu blwyddyn gyntaf:

  • Cewch hyfforddiant penodol mewn gwrando gweithredol a chyfeirio at wasanaethau cymorth o fewn y Brifysgol.
  • Byddwch yn meithrin sgiliau a nodweddion gwerthfawr ar gyfer eich CV.
  • Gallwch ddefnyddio eich profiad yn y Brifysgol i helpu eraill.
  • Caiff eich oriau eu hachredu gan Hyb y Gwirfoddoli a'u hychwanegu at eich tystysgrif HEAR (Cofnod o Gyraeddiadau).
  • Cewch gyfle i ennill Gwobr Mentor y Flwyddyn.
  • Byddwch yn bwynt cyswllt cyntaf cyfeillgar ar gyfer myfyrwyr newydd.
  • Bydd gennych gyfle i wneud gwahaniaeth, boed fawr neu fach.

------------------------------------------------------------------------------------------------------------------------------------------------------------

RYDYM YN RECRIWTIO'N FLYNYDDOL, GAN GYSYLLTU Â CHYDLYNWYR PENODOL YM MHOB
DRAN ACADEMAIDD

Beth mae hyn yn ei olygu?

  • Mynychu hyfforddiant cyn pennu'r sawl y byddwch yn eu mentora.
  • Anfon negeseuon e-bost cychwynnol i gysylltu.
  • Cwrdd â'r sawl y byddwch yn eu mentora yn ôl yr angen (awgrymwn 2-3 o gyfarfodydd y tymor â phob un ohonynt).
  • Bod yno i ateb cwestiynau drwy e-bost.
  • Helpu myfyrwyr i setlo i mewn a dod o hyd i bopeth sydd gan Brifysgol Aber i'w chynnig.
  • Bod yno ar gyfer problemau nad oes angen tiwtoriaid personol na'r adran cymorth i fyfyrwyr i'w datrys.
  • Mynychu'r gynhadledd adrannol flynyddol ar gyfer mentoriaid.
     

Yr hyn yr ydym ei eisiau gennych chi

  • Person cyfeillgar a thosturiol
  • Sgiliau cyfathrebu da
  • Gwybodaeth dda am gyfleusterau'r Brifysgol
  • Sgiliau gwrando da
  • Trefnus a dibynadwy
  • Y Gymraeg (dymunol ond nid yn hanfodol)
  • Brwdfrydig dros am helpu eraill
     

Beth sy'n digwydd nesaf?

Yn dilyn eich cais, caiff manylion eu trosglwyddo i gydlynwyr mentora pob adran, er mwyn rheoli'r broses recriwtio a dethol. I wneud cais...