Hoffwn feddwl fy mod wedi cael blwyddyn wirioneddol effeithiol fel Swyddog Materion Academaidd Prifysgol Aberystwyth. Wrth edrych yn ôl ar fy amser yma, rwy’n falch o’r cerrig milltir pwysig rydw i wedi helpu eu cyrraedd – a phob un wedi cael effaith fawr ar brofiad academaidd ein Prifysgol annwyl.
Niwroamrywiaeth: Y cyntaf o’m prif flaenoriaethau oedd niwroamrywiaeth, achos sy’n agos iawn at fy nghalon, gan fy mod i fy hun yn niwrowahanol. Yn ystod y flwyddyn, rydw i wedi fy mwrw fy hun i greu newid gwirioneddol – trwy drawsnewid polisïau ar amgylchiadau arbennig a’r polisi ‘fit-to-sit’, ac integreiddio atebion trwy Ddeallusrwydd Artiffisial – er mwyn sicrhau bod myfyrwyr niwrowahanol yn gallu manteisio ar addysg i’r eithaf a ffynnu ynddi. Mae’r gwaith hwn yn bwysig iawn i mi, ac rwy’n credu’n gryf y bydd yn agor drysau i lawer.
Amgylchiadau Arbennig: Rydw i wedi ymdrechu’n galed i weithredu’r Polisi Amgylchiadau Arbennig, system gefnogaeth hanfodol i fyfyrwyr sy’n wynebu cyfnodau anodd. Mae wedi bod yn wych gweld y polisïau hyn yn dwyn ffrwyth, gan roi addasiadau hanfodol sy’n grymuso myfyrwyr i lwyddo. Un o’r datblygiadau mwyaf ystyrlon eleni yw nad oes angen tystiolaeth i gyflwyno cais mwyach – cam pwysig tuag at degwch a dealltwriaeth. Mae cymaint mwy hoffwn ei rannu, ond am nawr, allaf i ond ddweud bod pethau eithriadol ar y gorwel.
Deallusrwydd Artiffisial: Carreg filltir arall rwy’n ymfalchïo ynddi yw symleiddio defnydd ar ddeallusrwydd artiffisial yn ein prosesau academaidd. Mae wedi bod yn llafur cariad, gweithio’n ddiflino i wneud pethau’n fwy effeithlon a hygyrch i bawb – myfyrwyr a staff. Gyda’r timau ymroddgar yn y Gwasanaethau Gwybodaeth a’r Llyfrgell, rydym wedi rhoi canllawiau a systemau at ei gilydd sy’n ddeniadol ac hawdd eu defnyddio. Mae’r system ‘golau traffig’ a ddaw yn fuan yn enghraifft o sut y bydd yr arloesi hyn yn parhau i lywio dyfodol llachar a mwy cysylltiedig.
Wrth baratoi i ymadael, rwy’n teimlo cymysgedd o dristwch a diolchgarwch – gyda’r dymuniad y gallwn aros yn hirach, parhau i helpu a gwneud gwahaniaeth. Mi wn nad wyf wedi ceisio gwneud newidiadau mawr, crand bob tro; weithiau, mae’r trawsnewidiadau mwyaf dwfn yn digwydd yn dawel, heb sôn mawr, trwy ymdrech ddiwyd ac ystyrlon.
Os ydych chi’n fy ngweld o gwmpas Aberystwyth, cofiwch ddweud helo – dydw i ddim yn mynd i ffwrdd am y tro.
Unwaith eto, rwy’n credu’n gryf mai “lle bo Will, mae ewyllys”.