Rheolau Pleidlais yr Holl Fyfyrwyr
Pobl Allweddol
Dyddiadau Allweddol
Galw am Bleidlais yr Holl Fyfyrwyr
- Gellir galw am Bleidlais yr Holl Fyfyrwyr dros unrhyw fater trwy:
- Gynnig a basiwyd gan fwyafrif Bwrdd yr Ymddiriedolwyr;
- Bleidlais fwyafrifol, Cyfarfod Cyffredinol Blynyddol, neu Gyfarfod Cyffredinol Arbennig
- Ddeiseb ddiogel o 250 aelod cyffredin (gan gynnwys eu rhif myfyriwr) a gyflwynir i Gadeirydd yr Ymddiriedolwyr,
- Ni cheir pasio Pleidlais yr Holl Fyfyrwyr oni bai fod o leiaf 500 Aelod Cyffredin wedi bwrw pleidlais ym Mhleidlais yr Holl Fyfyrwyr a bod mwyafrif syml o’r pleidleisiau a fwriwyd o blaid y cynnig.
Briffio
- Bydd yr Undeb yn trefnu cyfarfod agored i bawb cyn dechrau’r pleidleisio i roi y rheolau ar ddeall i ymgyrchwyr, ac i esbonio a dadlau’r materion.
- Os caiff y mater ei ddadlau, bydd y cyfarfod yn enwebu dau arweinydd ymgyrch a fydd yn gyfrifol am redeg yr ymgyrch ‘O Blaid’ a’r ymgyrch ‘Yn Erbyn’. Rhoddir lwfans cyhoeddusrwydd a delir gan Undeb Aberystwyth i bob arweinydd ymgyrch sydd gyfartal â’r lwfans a roddir at etholiadau ymddiriedolwyr sy’n swyddogion.
- Ni dderbynnir diffyg dealltwriaeth o'r rheolau am esgus dros dorri'r rheolau.
Ymgyrchu
- Arweinwyr ymgyrchoedd sy’n gyfrifol am weithredoedd ymgyrchwyr sy’n cefnogi eu cynnig, a elwir gyda’i gilydd yn dîm ymgyrchu. Diffinnir ymgyrchydd fel rhywun y gellir ei ystyried yn rhesymol i weithredu ar ran arweinydd ymgyrch, neu wrthi’n gweithio ar eu rhan.
- Mae’n rhaid i arweinwyr ymgyrchoedd gymryd pob cam rhesymol i sicrhau fod gweithredoedd eu hymgyrchwyr yn cydymffurfio â rheolau’r ymgyrch a bydd rhaid iddynt brofi hyn yn achos cwyn yn eu herbyn.
- Ni ddylai arweinwyr ymgyrchoedd a’u hymgyrchwyr ond ymgymryd â gweithgarwch ymgyrchu y mae gan bawb gyfle teg i’w wneud.
- Dylai arweinwyr ymgyrchoedd a’u hymgyrchwyr ymddwyn mewn modd sy’n parchu eraill, ac mae’n rhaid iddynt beidio â bygwth, aflonyddu neu beryglu lles a diogelwch eraill.
- Ni chaniateir i arweinwyr ymgyrchoedd a’u hymgyrchwyr fanteisio ar adnoddau’r Brifysgol neu’r Undeb at ymgyrchu oni bai fod caniatâd clir gan Ddirprwy Swyddog yr Etholiadau.
- Ni ddylai Arweinwyr Ymgyrchoedd na’u hymgyrchwyr honni eu bod (neu’r ymgeisydd y maent yn ei gefnogi) yn cael eu cefnogi gan yr Undeb nac aelodau staff unigol o’r Undeb.
- Ni chaiff Arweinwyr Ymgyrchoedd na’u hymgyrchwyr fwrw pleidlais, na cheisio bwrw pleidlais ar ran myfyriwr arall.
- Ni ddylid defnyddio breibio pleidleiswyr fel rhan o unrhyw ymgyrch.
- Rhaid i Arweinwyr Ymgyrchoedd a’u hymgyrchwyr lynu wrth yr holl gyfreithiau a rheolau ehangach presennol sy’n llywodraethu ymddygiad unigolion a myfyrwyr.
- Caniateir cefnogaeth gan Glybiau a Chymdeithasau yn rhan o Bleidlais yr Holl Fyfyrwyr.
Ceir dangos cefnogaeth ar ôl dechrau’r cyfnod ymgyrchu yn unig. Mae’n rhaid i gefnogaeth gan grŵp myfyrwyr ddilyn gweithdrefnau gwneud penderfyniadau sefydledig y grŵp.
- Dim ond Myfyrwyr Prifysgol Aberystwyth gaiff ymgyrchu yn yr etholiadau.
- Mae’n rhaid i Swyddogion Llawn Amser gymryd amser i ffwrdd os ydynt yn dymuno ymgyrchu yn ystod oriau gwaith arferol.
- Gwaharddir Swyddogion Llawn Amser ac ymgeiswyr eraill rhag manteisio ar unrhyw adnoddau sy’n gysylltiedig â’i swydd bresennol i gefnogi eu hymgyrch.
- Yn ystod cyfnod yr etholiadau, ni chaniateir i Swyddogion Llawn Amser gyflawni unrhyw ddyletswyddau neu weithgarwch y gellid ystyried o fantais i’w hail-ethol, ag eithrio tasgau sy’n rhan o’u rôl arferol ac maent wedi ymroi’n gyson iddynt trwy gydol y flwyddyn gyda chymeradwyaeth gan y Dirprwy Swyddog Etholiadau ymlaen llaw.
-
Mae croeso i chi osod posteri o amgylch adeilad yr Undeb, ond peidiwch â defnyddio tâp. Os hoffech chi arddangos deunydd tu allan i'r Undeb, bydd rhaid i chi ofyn am ganiatâd gan y Brifysgol. Cofiwch na cheir gosod deunydd hyrwyddo ar welydd bar yr Undeb. Yn lle, bydd hysbysfyrddau penodol at eich defnydd y tu mewn i'r bar.
Cyllideb
- Bydd cyllidebau ymgyrchoedd gyfartal â’r lwfans a gytunwyd arno ar gyfer etholiadau’r Ymddiriedolwyr sy’n Swyddogion.
- Caiff y rhain eu had-dalu gan yr Undeb wedi darparu derbynebau. Gellir cyflwyno eich ffurflen gostau hyd at awr ar ôl i’r pleidleisio gau. Ni dderbynnir ceisiadau am ad-dalu ar ôl yr adeg hon.
- Ni chaniateir i dimau ymgyrchu fynd dros derfynau eu cyllideb.
- Mae’n rhaid i arweinwyr ymgyrchoedd gadw rhestr ysgrifenedig o gostau ymgyrchu. Mae disgwyl i ymgeiswyr fod yn barod i gyflwyno’r rhain ar gais Dirprwy Swyddog yr Etholiadau.
- Mae’n rhaid i’r holl ddeunyddiau a ddefnyddir gan dîm ymgyrchu gael eu cynnwys yn ei ddatganiad o wariant yn ogystal â derbynebau neu amcangyfrif rhesymol o gyfradd y farchnad.
- Mae’n rhaid i bob heb ei brynu ond a gafodd ei ddefnyddio at ddibenion ymgyrchu gael ei werthuso gan Ddirprwy Swyddog yr Etholiadau.
- Deunyddiau ac adnoddau ar gael i bawb ee defnydd am ddim ar wefannau cyfryngau cymdeithasol yw’r eithriad i’r rheol uchod Ni chaniateir hyn oni bai fod yr eitem ar gael am ddim i bawb. Er enghraifft, ni cheir defnyddio hen megaffon oni bai ei fod wedi’i gymeradwyo. Rhaid cynnwys unrhyw ddeunydd cymeradwy yng nghyllideb eich ymgyrch. Siaradwch â Dirprwy Swyddog yr Etholiadau am eglurhad.
Cyfri a Chyhoeddi
- Pan fydd y pleidleisiau yn cael eu cyfri, bydd y Swyddog Dychwelyd neu ei enwebydd yn goruchwylio’r broses.
- Ni ddaw canlyniadau etholiadau’r Undeb ond i rym nes bod y Dirprwy Swyddog Etholiadau wedi cadarnhau bod y canlyniadau yn gywir ac yn deillio o weithdrefn rydd a theg a bod pob cwyn a apêl wedi’u datrys.
Cwynion ac Apeliadau
- Cyfrifoldeb y Swyddog Dychwelyd yn unig fydd dehongli’r rheolau hon ac is-ddeddfau yr Undeb.
- Pan yn ymchwilio cwyn ynghylch toriadau posib o’r is-ddeddfau, mae’n rhaid ei gyflwyno’n ysgrifenedig trwy ddefnyddio’r ffurflen ar-lein addas ar gyfer y DSD. Mae’n rhaid i’r cwyn fod yn glir pan yn cyfeirio at y rheolau hon. Ni cheir ond defnyddio y weithdrefn gwyno hon at ddibenion sy’n ymwneud ag ymddygiad yn yr etholiadau fel yr amlinellir yn yr is-ddeddfau a’r rheolau. Rhaid cyflwyno unrhyw gwynion eraill trwy broses gwyno Undeb Aber.
- Bydd y DSD yn ymchwilio cwynion a chyfeirio’r materion i’r Swyddog Dychwelyd ei benderfynu.
- The RO can decide to act based on the outcome of decisions. This can include halting the All Student Vote, and referring a matter to be dealt with by the Union or University disciplinary procedures.
- Bydd dyfarniadau’r Swyddog Dychwelyd yn cael eu rhoi ar waith yn syth.
- Mae’n rhaid cyflwyno unrhyw gwyn cyn cyfri’r pleidleisiau neu o fewn un awr ar ôl i’r pleidleisio ddod i ben.
- Mae’n rhaid cyflwyno ynghylch cyfri’r pleidleisiau yn ysgrifenedig trwy ddefnyddio’r ffurflen ar-lein addas a’i hanfon at y Swyddog Dychwelyd neu’r DSD cyn cyhoeddi’r canlyniadau.
- Rhaid cyflwyno apeliadau’n ysgrifenedig gan lenwi’r ffurflen briodol ar-lein i Ddirprwy Swyddog yr Etholiadau erbyn 12yh fan bellaf y diwrnod ar ôl i arweinydd ymgyrch gael gwybod am benderfyniad Swyddog yr Etholiadau. Dim ond arweinwyr ymgyrchoedd y mae eu hymgyrch wedi cael sancsiynau oherwydd cwyn gaiff wneud apêl.
- Rhaid cyflwyno apeliadau’n ysgrifenedig gan lenwi’r ffurflen briodol ar-lein i Ddirprwy Swyddog yr Etholiadau erbyn 12yh fan bellaf y diwrnod ar ôl i arweinydd ymgyrch gael gwybod am benderfyniad Swyddog yr Etholiadau. Dim ond arweinwyr ymgyrchoedd y mae eu hymgyrch wedi cael sancsiynau oherwydd cwyn gaiff wneud apêl.
Ceir disgrifiad manwl o’r rheolau a’r rheoliadau sy’n goruchwylio Pleidlais yr Holl Fyfyrwyr yn adran Is-ddeddf ‘Pleidlais yr Holl Fyfyrwyr a Chynigion o Ddiffyg Hyder’ ar wefan Undeb Aberystwyth.