Mae’r Cynllun Achredu Sêr Tîm Aber yn ffordd i UMAber gydnabod datblygiad ein Clybiau Chwaraeon a’n Cymdeithas, yn ogystal â datblygu’r holl bethau gwych maent yn eu cyflawni. Mae ein cynllun yn helpu i chi fesuro sut dych chi’n dod yn eich blaenau, yn sicrhau eich bod yn cynnig y profiad gorau posib i’ch aelodau, yn gwella eich enw da a chael defnyddio nifer o fanteision grwp!
Os oes gennych chi unrhyw gwestiynau am y cynllun achrediad, mae croeso i chi gysylltu â'ch Swyddog Cyfleoedd Myfyrwyr cyfleoeddum@aber.ac.uk
Sut mae'n gweithio?
Bydd pob grwp myfyrwyr sy’n gysylltiedig ag UMAber yn cael eu cofrestru ar y cynllun. Gall eich grwp gael ei adnabod fel:
  |
  |
  |
  |
| Lefel 1: Datblygu |
Lefel 2: Da |
Lefel 3: Da Iawn |
Lefel 4: Ardderchog |
I fynd i’r lefel nesaf, bydd rhaid i chi:
- Cyrraedd meini prawf Sêr Tîm Aber, gellir ei ddarllen isod neu ar wefan Microsoft Teams eich Grwp Myfyrwyr.
- Cyflwyno tystiolaeth berthnasol ar wefan Microsoft Teams eich Grwp Myfyrwyr ar ffurf ffeil sydd wedi’i atodi.
Bydd staff yn adolygu’r dystiolaeth a gyflwynir bob tymor a’i diweddaru yn ôl yr angen. Fel arall, gallwch anfon e-bost at eich Swyddog Cyfleoedd i Fyfyrwyr pan gredwch chi eich bod wedi cyrraedd lefel newydd o achredu.
- Gallwch ddilyn eich cynnydd yn y ffeil sydd wedi’i atodi ar MS Team eich Grwp.
Er mai grwp myfyrwyr effeithiol iawn yw’r budd mwyaf o gymryd rhan, mae gwobrau i’w cael ar gyfer y rhai sy’n ennill achrediad.
Gwobrau 4-seren
- Bathodyn 4 seren ar wefan yr UM
- Cael eich rhoi ar y rhestr fer ar gyfer Gwobrau Sêr Tîm Aber yng Ngwobrau y Clybiau a Chymdeithasau.
- Post arbennig ar sianeli ein cyfryngau cymdeithasol.
- Cael eich dathlu yn ystod UMAber yn Dathlu.
- Y cyfle i fod 3 grwp i ennill grant £50 i’w wario ar wella’r grwp myfyrwyr, ee deunydd hyrwyddo, offer, ayyb.
Gwobrau 3-seren
- Bathodyn 3 seren ar wefan yr UM
- Post arbennig ar sianeli ein cyfryngau cymdeithasol.
- Cael eich dathlu yn ystod UMAber yn Dathlu.
- Y cyfle i fod ymysg 5 grwp i ennill grant o £35 i’w wario ar wella’r grwp myfyrwyr, ee deunydd hyrwyddo, offer, ayyb.
Gwobrau 2-seren
- Bathodyn 2 seren ar wefan yr UM
- Cael eich dathlu yn ystod UMAber yn Dathlu.
- Y cyfle i fod ymysg 10 grwp i ennill grant £25 i’w wario ar wella’r grwp myfyrwyr, ee deunydd hyrwyddo, offer, ayyb.
Gwobrau 1-seren
- Bathodyn 1 seren ar wefan yr UM
- Caiff hyn ei ddathlu yn ystod y Tymor Gwobrwyo
Cymryd rhan yn yr UM
Ardderchog (Lefel 4): Mae o leiaf un aelod o'r Clwb/Cymdeithas yn sefyll ar gyfer Etholiad yn Etholiadau Blynyddol yr UM NEU mae 50% o holl aelodau cofrestredig y Clwb/Cymdeithas yn pleidleisio yn Etholiadau Blynyddol yr UM
Da Iawn (Lefel 3): 2 aelod pwyllgor yn bresennol mewn DAU Barth Chwaraeon a Chymdeithasau o leiaf.
Da (Lefel 2): =2 aelod pwyllgor yn bresennol yn y Cyfarfod MAWR (CCB)
Yn Datblygu (Lefel 1): Yn Cymryd Rhan yn Ffair y Glas / Ail Ffair y Glas
Aelodaeth
Ardderchog (Lefel 4): Mae aelodaeth y Clwb/Cymdeithas wedi cynyddu 20% ers y flwyddyn academaidd flaenorol.
Da Iawn (Lefel 3): Mae aelodaeth y Clwb/Cymdeithas wedi cynyddu o leiaf 10% ers y flwyddyn academaidd flaenorol.
Da (Lefel 2): Mae’r Clwb/Cymdeithas yn llwyddo i gynnal yr un nifer o aelodau â'r flwyddyn academaidd flaenorol.
Yn Datblygu (Lefel 1): Dangos ymdrech i ddenu aelodau e.e. drwy stondinau, cyfryngau cymdeithasol , ddigwyddiadau neu’n gweithio gyda’r UM i drefnu sesiynau blasu ar gyfer y rhai nad ydyn nhw'n aelodau
Gweithgaredd
Ardderchog (Lefel 4): Mae’r Clwb/Cymdeithas yn trefnu digwyddiad/ymgyrch fawr untro wedi'u targedu at eu haelodau (digwyddiad RAG/trip).
Da Iawn (Lefel 3): Mae’r Clwb/Cymdeithas yn cynnig neu wedi bod yn rhan o ddatblygiad personol (ee cyrsiau CPD, gweithdai, cymorth cyntaf, rhwydweithio, ac unrhyw fath arall o hyfforddiant/cyfleoedd datblygu)
Da (Lefel 2): Mae’r Clwb/Cymdeithas yn cynnal gweithgareddau rheolaidd ar gyfer eu haelodau sydd â chysylltiad uniongyrchol â’r nodau ac amcanion a amlinellwyd.
Yn Datblygu (Lefel 1): Mae nodau ac amcanion y Clwb/Cymdeithas wedi’u hamlinellu ar dudalen we'r grwp
Cymuned
Ardderchog (Lefel 4): Mae'r Clwb/Cymdeithas yn cydweithredu â grwpiau cymunedol/elusennau i gynnal digwyddiad mewn partneriaeth neu er mwyn codi arian
Da Iawn (Lefel 3): Mae’r Clwb/Cymdeithas wedi cydweithio â Chlybiau/Cymdeithasau eraill ar neu oddi ar y campws i gynnal gweithgaredd neu ddigwyddiad mewn partneriaeth, neu er mwyn codi arian
Da (Lefel 2): Mae aelodau'r Clwb/Cymdeithas wedi cymryd rhan mewn cyfleoedd gwirfoddoli.
Yn Datblygu (Lefel 1): Mae’r Clwb/Cymdeithas wedi mynd ati i godi arian at Elusen, gan gyfrannu at gyfanswm blynyddol RAG yr UM
Pwyllgor
Ardderchog (Lefel 4): Mae o leiaf TRI pwyllgor yn derbyn y Wobr Aber Arian o leiaf
Da Iawn (Lefel 3): Dros 50% o’r pwyllgor wedi’i gofrestru fel gwirfoddolwr A eu bod wedi dechrau cofnodi oriau tuag at y Gwobr Aber.
Da (Lefel 2): Mae pob aelod pwyllgor wedi gwylio’r ‘Sesiwn Groesawu’ A bod y pwyllgor craidd wedi mynychu eu hyfforddiant pwyllgor hanfodol perthnasol.
Yn Datblygu (Lefel 1): Manylion pwyllgor a dogfennau pwysig yn gywir ac wedi’u diweddaru ar y wefan a MS Teams.
Cyfathrebu
Ardderchog (Lefel 4): Mae gan y clwb/cymdeithas bresenoldeb ar-lein A bod y clwb/cymdeithas yn manteisio’n effeithlon ar gyfryngau cymdeithasol yr UM (ee tagio sianeli yr UM, rhannu cynnwys UM, ayyb)
Da Iawn (Lefel 3): Mae gwefan y clwb/cymdeithas yn ddwyieithog.
Da (Lefel 2): Mae’r Clwb/Cymdeithas yn diweddaru’r wefan a bod pob elfen o restr y wefan wedi’u bodloni
Yn Datblygu (Lefel 1): Mae’r Clwb/Cymdeithas yn cadw eu gwefan yn gyfoes o ran digwyddiadau a gweithgareddau; mae ganddynt logo unigryw, disgrifiad clir o'r Clwb/Cymdeithas a sut y gall myfyrwyr gyfranogi
Cyllid
Ardderchog (Lefel 4): Mae’r Clwb/Cymdeithas yn cynhyrchu taenlen ddilyn arian ar Microsfot Teams a’i diweddaru’n gyson A eu bod yn gallu dangos bod incwm trwy aelodaeth yn cael ei wario ar adnoddau er budd ei aelodaeth.
Da Iawn (Lefel 3): Mae’r Clwb/Cymdeithas yn ennill incwm trwy gael ei ariannu’n allanol gan ddilyn gweithdrefnau yr UM (ee codi arian, cael ei noddi, grantiau, ayyb)
Da (Lefel 2): Mae’r Clwb/Cymdeithas wedi rhoi rhagolwg taenlen ariannol ar gyfer y flwyddyn i ddod.
Yn Datblygu (Lefel 1): Mae Llywydd a Thrysorydd y Clwb/Cymdeithas wedi mynychu ac wedi pasio hyfforddiant pwyllgor ‘Cyllid, Cyllidebu a Chodi Arian’.
Cynhwysoldeb
Ardderchog (Lefel 4): Mae’r Clwb/Cymdeithas yn trefnu neu’n chwarae rhan fawr mewn trefnu digwyddiad ynghylch amrywiaeth a chynwysoldeb.
Da Iawn (Lefel 3):Mae’r Clwb/Cymdeithas yn cymryd rhan neu’n cyfrannu at ddigwyddiad neu hyfforddiant ynglyn ag amrywiaeth a chynwysoldeb.
Da (Lefel 2): Mae’r Clwb/Cymdeithas yn cymryd rhan neu’n cyfrannu at ddigwyddiad neu hyfforddiant ynglyn ag amrywiaeth a chynwysoldeb.
Yn Datblygu (Lefel 1): Mae’r Clwb/Cymdeithas yn cynnwys datganid cynwysoldeb ar eu gwefan.
Llesiant
Ardderchog (Lefel 4): Mae’r Clwb/Cymdeithas yn gallu dangos effaith llesiant gadarnhaol ar yr aelodaeth gyda dyfyniadau/tystion/erthyglau.
Da Iawn (Lefel 3): Mae’r Clwb/Cymdeithas yn trefnu neu’n chwarae rhan fawr mewn trefnu digwyddiad yn ymwneud â llesiant positif.
Da (Lefel 2): Cymryd rhan mewn digwyddiad sy’n hyrwyddo llesiant positif.
Yn Datblygu (Lefel 1): Cymryd rhan mewn gweithgareddau sy’n hyrwyddo llesiant positif.
Os oes gennych chi unrhyw gwestiynau ynghylch y cynllun achredu, mae croeso i chi gysylltu gyda’ch Swyddog Cyfleoedd Myfyrwyr trwy suopportunities@aber.ac.uk